Nova hefur 4,5G þjónustu á Íslandi

Fjar­skipta­fyr­ir­tækið Nova kynnti í morgun að fyr­ir­tækið hafi sett í loftið fyrstu 4,5G sendana. Nova verður á meðal fyrstu far­síma­fyr­ir­tækja í Evrópu til þess að hefja slíka þjón­ustu en áætlað er að net­hraði í far­símum við­skipta­vina Nova muni um það bil þre­fald­ast. Þetta kemur fram í frétta­til­kynn­ingu fyr­ir­tæk­is­ins.

Um er að ræða við­brögð fyr­ir­tæk­is­ins við stór­auk­inni net­notkun sem Nova áætlar að muni vaxa áfram um tugi pró­senta á ári. Það er fyrst og fremst streymi á lif­andi efni í háum mynd­gæðum sem kallar á aukna flutn­ings­getu fjar­skipta­kerfa.

Nova hefur á síð­ustu vikum sett upp fyrstu 4,5G sendana og því geta þeir sem eru með nýj­ustu far­sím­ana nú þegar tengst 4,5G kerf­inu en á afmörk­uðum svæðum til að byrja með. Nýjustu teg­undir far­síma sem styðja 4,5G net­hraða eru til að mynda Samsung S7 og Samsung S8, iPhone8 og iPho­neX sem er vænt­an­legur. 

Í til­kynn­ing­unni kemur fram að stór­aukin net­notkun fólks í far­símum snerti Nova sér­stak­lega, sem stærsta veit­anda far­síma­þjón­ustu á Íslandi, en við­skipta­vinir fyr­ir­tæk­is­ins noti netið mun meira en við­skipta­vinir ann­arra fjar­skipta­fyr­ir­tækja. Til marks um það þá fór 63,8 pró­sent af allri net­um­ferð í far­símum á Íslandi í fyrra, um far­síma­kerfi Nova.

Nova áætlar að fjár­festa fyrir um 1 millj­arð á ári næstu tvö árin. Megnið af fjár­fest­ingum félags­ins mun fara í upp­bygg­ingu 4,5G kerf­is­ins sem mun halda áfram allt til árs­ins 2020 en þá má búast við að fyrstu 5G sendar Nova verði teknir í notkun.

Liv Berg­þórs­dóttir, for­stjóri Nova, segir að fyr­ir­tækið hafi verið leið­andi þegar kemur að inn­leið­ingu nýrra kyn­slóða fjar­skipta­tækni. Fyr­ir­tækið hafi sett upp fyrsta 3G far­síma­kerfið á Íslandi árið 2006, hafið 4G þjón­ustu árið 2013 fyrst fyr­ir­tækja og nú 4,5G þjón­ustu þann 10.10. 2017. „Hver ný kyn­slóð fjar­skipta­kerfa hefur haft í för með sér marg­földun á hraða og þar með á notk­un­ar­mögu­leikum far­síma, úrvali smá­forrita og ann­arra sam­skipta. Aftur og aftur sjáum við hvernig ný öfl­ugri fjar­skipta­kerfi ryðja braut­ina og gera nýsköpun og fram­farir mögu­legar,” segir hún.