Tíu staðreyndir um Íslendinga

1. Hinn 1. jan­úar síð­ast­lið­inn voru Íslend­ingar 332.529, sam­kvæmt nýj­ustu tölum Hagstofu Íslands. Þeim fjölg­aði um 3.429 á einu ári, eða um sem nemur eitt pró­sent. Á ára­tug, eða frá árinu 2006, hefur lands­mönnum fjölgað um tæp­lega 33 þús­und manns, en 1. jan­úar 2006 voru lands­menn tæp­lega 300 þús­und

2. Kynja­hlut­föll lands­manna eru næstum jöfn. Í byrjun þessa árs voru karlar 2.011 fleiri en konur. Af lands­mönnum eru 51 pró­sent karlar, og 49 pró­sent konur.

3. Fólks­fjölg­unin und­an­farin ár hefur að mestu leyti verið á höf­uð­borg­ar­svæð­inu. Íbúar þar voru 2.333 fleiri í byrjun þessa árs, en árið 2015. Það er um 1,1 pró­sent fjölgun milli ára, en hlut­falls­lega varð mesta fjölg­unin á Suð­ur­nesjum en þar fjölg­aði fólki um 2,2 pró­sent eða 483 frá því í fyrra. Á Suð­ur­landi fjölg­aði fólki um 1,8 pró­sent, eða 445 ein­stak­linga.

4. Fólks­fækkun varð á þremur svæðum á land­inu. Á Vest­fjörðum fækk­aði íbúum um 87 ein­stak­linga, eða 1,2 pró­sent, og á Aust­ur­landi fækk­aði íbúum um 44. Á Norð­ur­landi vestra varð einnig lít­ils­háttar fækkun, eða um 0,1 pró­sent. Á Norð­ur­landi eystra, þar sem Akureyri er stærsti stað­ur­inn, fjölg­aði fólki lítið eitt, eða um 0,3 pró­sent.

5. Fjöldi sveit­ar­fé­laga á land­inu breytt­ist ekk­ert. Þau eru 74 og eru mis­stór. Sex sveit­ar­fé­lög eru með færri en 100 íbúa, en 41 sveit­ar­fé­lag er með meira en þús­und íbúa. Einungis níu sveit­ar­fé­lög – nær öll á höf­uð­borg­ar­svæð­inu – er með fleiri íbúa en fimm þús­und.

Mynd: Birgir Þór Harð­ar­son

6. Hinn 1. jan­úar 2016 voru 61 þétt­býl­is­staður með 200 íbúa eða fleiri á land­inu og hafði þeim fjölgað um einn frá fyrra ári. Auk þeirra voru 35 smærri staðir með 50–199 íbúa sem er fækkun um tvo frá fyrra ári. Í þétt­býli bjuggu 311.850 manns 1. jan­úar 2016 og hafði þá fjölgað um 3.335 á árinu. Í dreif­býli og smærri byggða­kjörnum bjuggu 20.679 manns.

7. Kjarna­fjöl­skyldur voru 79.870 í byrjun árs­ins en 79.356 í byrjun árs 2015. Skipt­ingu heildar­í­búa­fjölda eftir fjöl­skyldu­mynstri má sjá hér á með­fylgj­andi mynd.

8. Til kjarna­fjöl­skyldu telj­ast hjón og fólk í óvígðri sam­búð, börn hjá þeim 17 ára og yngri, ein­hleypir karlar og konur sem búa með börnum 17 ára og yngri.

9. Fram­færslu­hlut­fall var 68,1% í árs­byrjun 2016 en 68,4% ári áður. Fram­færslu­hlut­fall er hlut­fall ungs fólks (19 ára og yngra) og eldra fólks (65 ára og eldra) af fólki á vinnu­aldri (20–64 ára). Hækkun þessa hlut­falls stafar einkum af því að fólki á vinnu­aldri fækkar.

10. Stærsta sveit­ar­fé­lagið á Íslandi er Reykjvík, vita­skuld, en íbúar þar voru 122.460 1. jan­úar 2016. Stærsta sveit­ar­fé­lagið utan höf­uð­borg­ar­svæð­is­ins er Akur­eyr­ar­bær, en þar voru íbúar 18.294.