Þjóðfylkingin fundaði um breytingar á samfélaginu

Íslenska þjóð­fylk­ingin hélt í síð­ustu viku lands­fund sinn á Café Catalina í Kópavogi. Var frétta­flutn­ingur af fund­inum fremur lít­ill, en þó var þar einn blaða­maður, Þórarinn Þór­ar­ins­son. Segist Þórarinn, sem fór á fund­inn í dul­ar­gervi, með Donald Trump-húfu og í Útvarp Sögu-bol, telja að þarna sé um íslenskan fas­ista­flokk að ræða. Á fund­inum hafi þau reynt að skil­greina sig sem stjórn­mála­afl og að aug­ljóst hafi verið að fund­ar­gestir hafi verið hræddir við fas­ista- og ras­ista­stimp­il­inn sem vofir yfir þeim. „Þau ótt­ast að vera skil­greind sem hægri öfga­flokkur, sem er ekk­ert út í blá­inn, en það eru ein­hverjar mein­ingar um að reyna að fjar­lægja sig frá því.“

Sagði hann einnig að fund­ar­gestir hefðu mikið talað um að á Íslandi ríkti ekki lýð­ræði heldur „RÚV-ræði,“ sem væri ástand sem flokk­ur­inn hygð­ist berj­ast gegn. Að moka þyrfti öllu hús­töku­fólk­inu í Efsta­leit­inu út, sem hand­velur ESB-sinna og vinstri­menn í öll við­töl. Sökuðu fund­ar­gestir vinstri­menn um að mis­nota frétta­stofu RÚV í frétta­skýr­ingum og kröfð­ust þeir þess að stjórn­völd sæju til þess að hlut­leysi frétta­stofu yrði fram­fylgt.