Meint morðhótun á borði lögreglu eftir að útvarpsstjóri auglýsti heimilisfang bloggara

Gunnar Waage, trommu­leik­ari og umsjón­ar­maður vefs­ins Sand­kass­inn.com, hefur til­kynnt morð­hótun í sinn garð til lög­reglu og á pant­aðan tíma í skýrslu­töku vegna máls­ins á þriðju­dag­inn í næstu viku. Þetta segir hann í sam­tali við Stundina.

Ummælin birt­ust á Facebook-síðu Arn­þrúðar Karls­dóttur, útvarps­stjóra Útvarps Sögu, í gær og hljóða svo: „Senda bara nokkra vaska menn og þagga niður í honum í eitt skipti fyrir öll ;)“

Gunnar hefur ítrekað gagn­rýnt Arnþrúði Karls­dóttur og Útvarp Sögu fyrir ras­isma og hat­urs­orð­ræðu gegn minni­hluta­hópum. 

Arn­þrúður hefur meðal ann­ars brugð­ist við þess­ari gagn­rýni með því að hringja í vinnu­veit­anda Gunnars auk þess sem hún hefur aug­lýst sér­stak­lega heim­il­is­fang hans á umræðu­hópi Íslensku Þjóð­fylk­ing­ar­innar. Meint morð­hótun kom fram í kjöl­far þess. 

„Arn­þrúður virð­ist vera full­með­vituð um þessi ummæli, tjáir sig bæði fyrir og eftir, og virð­ist láta sér vel líka. Hún fjar­lægir ekki ummælin, en þau eru látin falla í kjöl­far þess að hún aug­lýsti sér­stak­lega adress­una mína á Facebook,“ segir Gunnar Waage í sam­tali við Stundina. 

Arn­þrúður birti eft­ir­far­andi færslu í gær:

Einn þeirra sem setur inn athuga­semd, Stefán Auðunn Stef­áns­son, vill að fólk taki sig saman, sæki mann­inn og afhendi hann lög­reglu. P Val­gerður Krist­jáns­dóttir hvetur til þess að fjöldi fólks taki sig saman og krefj­ist þess að Gunnar Waage verði lok­aður inni á stofnun, til dæmis Kleppi. Þá skrifar Aðal­heiður Magn­ús­dóttir, sem titlar sig sem starfs­mann Kópa­vogs­bæjar: „Bara senda hann til ISIS. hann verður sá fyrsti sem þeir nota í sprengju­fóður“

Gunnar Waage hefur svarað ýmsum af ávirð­ingum Arn­þrúðar á eigin Facebook-síðu:

Kvenna­blaðið greindi frá því í gær að hlust­andi Útvarps sögu hefði hringt inn og hvatt til þess að rík­is­starfs­menn væru skotnir í höf­uðið. Pétur Gunn­laugs­son, sem stýrir Útvarps Sögu ásamt Arnþrúði, hreyfði ekki mót­bárum við mál­flutn­ingi inn­hringj­and­ans sem sagð­ist vilja „setja kúlu í haus­inn“ á háskóla­mennt­uðum rík­is­starfs­mönnum og láta „salla niður þetta óþarfa lið sem eru hér afætur í þjóð­fé­lag­inu“.