Þjóðin hefur þegar kosið um atriðin sem Bjarni vill láta breyta í stjórnarskránni

Bjarni Bene­dikts­son, for­maður Sjálf­stæð­is­flokks­ins, vill að kosið verði um afmark­aðar breyt­ingar á stjórn­ar­skrá Íslands sam­hliða for­seta­kosn­ingum á næsta ári, en Stjórn­ar­skrár­fé­lagið bendir á að þjóð­ar­at­kvæða­greiðsla um nýja stjórn­ar­skrá hafi þegar farið fram 20. októ­ber 2012, þegar meiri­hluti kjós­enda sam­þykkti að leggja til­lögur stjórn­laga­ráðs til grund­vallar frum­varpi um nýja stjórn­ar­skrá. 

Bjarni leggur til að kosið verði um að bæta við stjórn­ar­skrána ákvæðum sem varða umhverfis- og auð­linda­mál, þjóð­ar­at­kvæða­greiðslum og tak­markað fram­sal veiði­heim­ilda.

Kosið um það sama áður

Í ályktun Stjórn­ar­skrár­fé­lags­ins, félags áhuga­fólks um nýja stjórn­ar­skrá, er bent á að öll þau atriði sé að finna í þeim drögum að stjórn­ar­skrá sem þegar hafi verið sam­þykkt í þjóð­ar­at­kvæða­greiðslu. „Þar sem umrætt frum­varp fól í sér nýja stjórn­ar­skrá, en ekki við­bætur við þá gömlu, er ljóst að hug­myndir Bjarna Bene­dikts­sonar um fram­vindu þessa máls eru í and­stöðu við vilja meiri­hluta kjós­enda. Ef það er hins vegar ein­beittur vilji þings­ins að ein­skorða sig við þessi til­teknu ákvæði, þá er þau öll að finna í þeirri stjórn­ar­skrá sem þjóðin lýsti yfir­gnæf­andi stuðn­ingi við í umræddri þjóð­ar­at­kvæða­greiðslu.“

64 pró­sent lands­manna sam­þykktu nýja stjórn­ar­skrá í kosn­ing­unum 2012, en 32 pró­sent greiddu atkvæði á móti. Auk þess var sam­þykkt að nátt­úru­auð­lindir, sem ekki eru í einka­eigu, yrðu lýstar þjóð­ar­eign, að ákvæði yrði um þjóð­kirkju á Íslandi, að per­sónu­kjör yrði heim­ilað í meira mæli en nú er, að atkvæði kjós­enda alls staðar af land­inu myndi vega jafnt í kosn­ingum og að ákvæði yrði í stjórn­ar­skrá um að til­tekið hlut­fall kjós­enda gæti knúið fram þjóð­ar­at­kvæða­greiðslu.