Bjarni segir gjaldfrjálst heilbrigðiskerfi „óraunhæft“ – Sjálfstæðisflokkurinn vill„öfluga samkeppni“

„Fjöl­breytt rekstr­ar­form“ og „öflug sam­keppni“ í heil­brigð­is­þjón­ustu er á meðal þess sem er boðað í stjórn­mála­á­lyktun sem sam­þykkt var á flokks­ráðs­fundi Sjálf­stæð­is­flokks­ins í gær. Bjarni Bene­dikts­son, for­maður flokks­ins, full­yrti jafn­framt í leið­togaum­ræð­unum á RÚV síð­asta fimmtu­dag að það væri „óraun­hæft að tala fyrir alger­lega gjald­frjálsu heil­brigð­is­kerfi“, enda þyrfti að tryggja aðgangs­stýr­ingu að kerf­inu. 

Áherslur Sjálf­stæð­is­flokks­ins í heil­brigð­is­málum eru ólíkar þeim sem kynntar voru á flokks­stjórn­ar­fundi Sam­fylk­ing­ar­innar sem einnig var hald­inn í gær. Fram kom að Sam­fylk­ingin vildi stefna að gjald­frjálsri heil­brigð­is­þjón­ustu, en slíkt kynni á end­anum að kosta rík­is­sjóð rúma 30 millj­arða á ári. Telur Oddný G. Harð­ar­dóttir, for­maður flokks­ins, að unnt sé að fjár­magna þetta með upp­boði afla­heim­ilda, hækkun virð­is­auka­skatts á ferða­þjón­ustu og upp­töku raf­orku­gjalds á stór­iðju.

Þótt Sjálf­stæð­is­flokk­ur­inn stefni ekki að gjald­frjálsu heil­brigð­is­kerfi kemur skýrt fram í stjórn­mála­á­lyktun flokks­ráð­fundar að „lækka þurfi greiðslu­þátt­töku sjúk­linga enn frekar með því að lækka hámarks­greiðslur sjúk­lingar bæði í lyfja­greiðslu­kerfi og greiðslu­þátt­töku­kerfi heil­brigð­is­þjón­ustu, sem og kostn­aði við notkun hjálp­ar­tækja“. Auk þess sé brýnt að Sjúkra­trygg­ingar Íslands taki auk­inn þátt í ferða­kostn­aði sjúk­linga. 

„Efna­hagur fólks á aldrei að ráða aðgengi að heil­brigð­is­þjón­ustu á Íslandi,“ sagði Bjarni Bene­dikts­son í leið­togaum­ræð­unum og lagði einkum áherslu á að dregið yrði úr greiðslu­þátt­töku lang­veikra og öryrkja. „Ég held hins vegar að það sé óraun­hæft að tala fyrir alger­lega gjald­frjálsu heibrigð­is­kerfi vegna þess að þá ótt­ast ég að við munum missa alla aðgangs­stýr­ingu að kerf­inu og það er reynsla ann­arra þjóða, það er í sam­ræmi við ráð­legg­ingar alþjóð­legra sér­fræð­inga um þessi efni en það þýðir ekki að gjald­takan eða kostn­að­ar­hlut­deild sjúk­linga eigi að vera ein­hvers konar aðgangs­hindrun,“ sagði Bjarni.