Einungis grunur um að þjóð­kjör­inn full­trúi gæti hags­muna ann­arra en almenn­ings er slæmur í sjálfum sér þar sem hann skaðar trú­verð­ug­leika hans. Stjórn­mála­menn okkar skulu ekki koma sér í neina stöðu sem kastað getur rýrð á það traust sem almenn­ingur ber í þeirra garð,“ segir Helena Sundén, fram­kvæmda­stjóri sænsku stofn­un­ar­innar Institutu­tet mot mutor, aðspurð um skoðun stofn­un­ar­innar á máli Illuga Gunn­ars­sonar mennta­mála­ráð­herra og Orku Energy. 

Stundin sendi sænsku stofnun­inni, sem sér­hæfir sig í rann­sóknum og grein­ingum á mútum, aðstöðu­braski og öðru slíku, spurn­ingar um mál Illuga Gunn­ars­sonar þar sem engin sam­bæri­leg stofnun er starf­andi á Íslandi. 

Institu­tet mot mutor svarar oft spurn­ingum fjöl­miðla í Svíþjóð þegar upp koma mál þar sem trú­verð­ug­leiki stjórn­mála­manna kann að hafa beðið hnekki, meðal ann­ars vegna tengsla þeirra við ákveðin fyr­ir­tæki. Til að mynda hefur stofn­unin, eða Helena fyrir hennar hönd, tjáð sig um mál nýlega sem verið hefur hita­mál í Svíþjóð en það snýst um hvenær stjórn­mála­menn og ráð­herrar ættu að mega hefja störf fyrir einka­fyr­ir­tæki eftir að þeir hætta opin­berum störfum sínum á þingi. Stofn­un­inni, sem er ekki rekin í hagn­að­ar­skyni, er stýrt af við­skipta­ráði Stokk­hólms og fleiri aðilum í við­skipta­líf­inu sem og sveit­ar­fé­lögum í Svíþjóð.

Málið ekki útkljáð

Að mati stof­un­ar­innar skilur lýs­ing­in á máli Illuga eftir sig spurn­ingar sem svara þarf. „Lýsingin á mál­inu vekur upp spurn­ingar sem þarf að rann­saka nánar,“ segir í skrif­legu svari Helenu. 

Þá segir Helena að mik­il­vægt sé að full­trúar almenn­ings séu heið­ar­legir og opnir þegar kemur að per­sónu­legum tengslum og að tengsl þeirra megi ekki grafa undan sam­keppni á mark­aði. „Það er mik­il­vægt að full­trúar almenn­ings séu opnir og að gagn­sæi ríki með þau per­sónu­legu tengsl sem þeir kunna að hafa og það er að sjálf­sögðu mik­il­vægt að þeir stuðli ekki að því að spilla fyrir heil­brigðri og frjálsri sam­keppni á mark­aðnum.“

Hefur ekki svarað mörgum spurningum

Líkt og Stundin hefur fjallað um í mörgum fréttum vann Illugi fyrir Orku Energy sem ráð­gjafi á meðan hann var í leyfi frá þing­störfum árin 2010 og