Segir neikvæðni eina mestu hættuna sem Íslendingar standi frammi fyrir

„Mestu hætt­urnar sem við stöndum frammi fyrir eru kæru­leysi, það að við lítum á árang­ur­inn sem sjálf­gef­inn, og nei­kvæðni. Látum engan telja okkur trú um að Ísland sé von­laust og hér þurfi að snúa öllu á hvolf.“

Þetta er á meðal þess sem Sig­mundur Davíð Gunn­laugs­son for­sæt­is­ráð­herra sagði í ára­móta­ávarpi sínu í kvöld. Í ræð­unni kom hann víða við og lagði áherslu á þann mikla árangur sem náðst hefði á Íslandi í áranna rás. Sagði hann að Íslend­ingar hefðu áunnið sér ímynd sem ein­kennd­ist meðal ann­ars af því að þeir bæru harm sinn í hljóði. Svo spurði for­sæt­is­ráð­herra: „En eigum við skilið að halda þess­ari ímynd ef við ekki aðeins börmum okkur meira yfir áskor­unum en áður, heldur börmum okkur líka þegar vel gengur?“ 

Vitnaði hann tví­vegis í írska heim­spek­ing­inn Edmund Burke sem uppi var á 18. öld og hefur oft verið kall­aður faðir breskrar íhalds­stefnu. 

Framúrskarandi árangur Íslands

„Árið 2015 reynd­ist far­sælt fyrir íslensku þjóð­inna. Flest hefur gengið okkur í hag und­an­farin miss­eri og betur en víð­ast hvar ann­ars staðar. Á mörgum sviðum, frá íþróttum að vís­indum, stóðu full­trúar okkar Íslend­inga sig fram­úr­skar­andi vel á liðnu ári,“ sagði Sig­mundur og bætti við:

„Hagsæld jókst til mik­illa muna á árinu. Kaup­máttur -það sem lands­menn fá fyrir launin sín- hefur nú auk­ist um 13 pró­sent á 30 mán­uðum. Fáheyrt, nán­ast óþekkt, er að hagur fólks vænk­ist það hratt. Enn merki­legra er að á tímum mik­ils hag­vaxtar hefur jöfn­uður áfram auk­ist. Þannig hafa laun verka­fólks hækkað hlut­falls­lega meira en laun stjórn­enda, laun kvenna hækkað hlut­falls­lega meira en laun karla og kaup­máttur líf­eyr­is­greiðslna og bóta auk­ist meira en kaup­máttur launa á tíma­bil­inu.“

Sagði hann að vel hefði tek­ist til með stór mál. „Stutt er síðan skulda­vandi stóð efna­hags­legri fram­tíð lands­ins fyrir þrifum en nú hefur skulda­hlut­fall heim­il­anna lækkað það mikið og hratt að skuldir íslenskra heim­ila eru orðnar hlut­falls­lega lægri en í mörgum nágranna­löndum okkar.“

For­sæt­is­ráð­herra vís­aði sér­stak­lega til þess í ræðu sinni að ákveðnir menn segðu að „fyrst ekki sé búið að ná full­komnun sé betra að gera enn eina til­raun með ein­hverja hug­mynda­fræði sem lofar full­komnu sam­fé­lagi“, en slíkt hefði hins vegar alltaf endað illa. Ekki kom fram hvort Sig­mundur væri að vísa til afla á Íslandi. 

„Gæfurík þjóð í góðu landi“

Sig­mundur lagði áherslu á mik­il­vægi þess að íslensk þjóð við­ur­kenndi árang­ur­inn sem náðst hefði. Þannig gæti árangur for­tíðar orðið hvatn­ing til frek­ari afreka í fram­tíð­inni. 

„En erum við að nýta þá hvatn­ingu sem felst í árangrinum, og kunnum við að meta lífs­gæði okkar hér á Íslandi og það hvað við erum lánsöm í sam­an­burði við aðrar þjóðir? Okkur Íslend­ingum hefur í gegnum tíð­ina líkað ágæt­lega við þá ímynd sem þjóðin hefur áunnið sér. Við höfum verið þekkt fyrir dugnað, þraut­seigju og þol­gæði. Íslend­ingar hafa verið taldir úrræða­góðir á rauna­stund, yfir­veg­aðir og færir um að bera harm sinn í hljóði og gef­ast aldrei upp. Þessi ímynd varð áreið­an­lega ekki til af ástæðu­lausu enda er ótrú­legt hvaða árangri Íslend­ingar hafa náð í þessu landi við erf­iðar aðstæður um aldir. En eigum við skilið að halda þess­ari ímynd ef við ekki aðeins börmum okkur meira yfir áskor­unum en áður heldur börmum okkur líka þegar vel gengur?“

Lokaorð Sig­mundar hljóð­uðu svo:

„Ef okkur auðn­ast að fylgja þeirri leið á nýju ári getur árið 2016 orðið enn betra en árið sem nú er að ljúka. Fram­farir munu þá halda þá áfram, og und­an­tekn­ing­unum mun áfram fækka og þær sem eftir standa verða við­ráð­an­legri. Við erum gæfu­rík þjóð í góðu landi. Við höfum náð árangri með þraut­seigju og skyn­semi að leið­ar­ljósi. Þótt veður séu válynd er bjart yfir land­inu okkar við þessi ára­mót.“

Lesa má ávarpið í heild á vef for­sæt­is­ráðu­neyt­is­ins.