Einn mótmælandi var handtekinn í boðaðri „byltingu“ og „uppreisn“ gegn ríkisstjórninni á Austurvelli í dag. 

Fjölgað var í lögregluliðinu við Alþingishúsið eftir atvikið og voru nálægt þrjátíu lögreglumenn á verði við löggjafarsamkomuna eftir áhlaup mannsins.

Handtakan Lögreglumenn fjölmenntu að manninum og yfirbuguðu hann hratt þar sem hann reyndi að komast inn í Alþingishúsið. Einar Ólason ljósmyndari tók meðfylgjandi myndir af handtökunni.

Mynd: E.Ól.

Mynd: E.Ól.

 

Mynd: E.Ól.

 

Mynd: E.Ól.

Umdeilt er hversu margir mótmælendur voru á vettvangi í dag. Rúv greinir frá því að þeir hafi verið nokkur hundruð, en úr röðum mótmælenda er fullyrt að þúsundir hafi verið á Austurvelli.

Í ræðum á mótmælunum var meðal annars farið fram á þjóðnýtingu kvótans, meiri áherslu á fólk en auðvald og að ríkisstjórn Sigmundar Davíðs Gunnlaugssonar hyrfi frá völdum. Þeir sem sóttu mótmælin tilgreindu mismunandi ástæður fyrir því á Facebook. Flestir nefndu spillingu og makrílfrumvarp, sem stefnir í að úthluta tugum milljarða af fiskveiðiauðlindinni til fárra aðila.

Meðal þeirra sem komu fram á mótmælunum í dag voru þau KK, Valdimar, Jónína Björg Magnúsdóttir, auk þess sem Bragi Páll Sigurðarson rithöfundur og Sigríður Bylgja Sigurjónsdóttir fluttu ræður. Meira um mótmælin hér.