Morgunblaðinu frídreift með frétt af fylgistapi Guðna á forsíðu

Morg­un­blað­inu er dreift frítt inn á heim­ili lands­manna með for­síðu­frétt um fylgis­tap helsta and­stæð­ings rit­stjóra blaðs­ins. 

Þetta er í annað skiptið á fjórum dögum sem blað­inu er dreift frítt, en á þriðju­dag var blað­inu frídreift á heim­ili lands­manna með fréttum um gömul ummæli Guðna Th. Jóhann­es­sonar sagn­fræð­ings og nafn­lausan slúð­ur­dálk um ósann­indi hans og svo nafn­lausan leið­ara með harðri gagn­rýni á hann.

Morg­un­blaðið er áskrift­ar­blað, sem þýðir að les­endur greiða fyrir að fá blaðið sent heim. Þó kemur fyrir að blað­inu sé frídreift. Á þriðju­dag var blað­inu hins vegar dreift frítt með umfjöllun um gömul ummæli Guðna úr fyr­ir­lestri í Háskól­anum á Bifröst, þar sem hann not­aði orða­lagið „fávís lýð­ur­inn“ yfir sköpun goð­sagna um þorska­stríðið.

Guðni með 55% stuðning

Morg­un­blaðið í dag Blaðinu er dreift frítt á heim­ili lands­manna með for­síðu­frétt um fylgis­tap helsta and­stæð­ings rit­stjóra blaðs­ins.

Mynd: Morg­un­blaðið

„Guðni missir fylgi“ er fyr­ir­sögnin á for­síðu blaðs­ins í dag. Þar er fjallað um að sam­kvæmt könn­unum sem Félags­vís­inda­stofnun hefur unnið fyrir Morg­un­blaðið hefur Guðni misst 12 pró­sentu­stig í stuðn­ingi fyrir for­seta­kosn­ing­arnar 25. júní næst­kom­andi. Davíð Oddsson, rit­stjóri blaðs­ins, hefur hins vegar bætt við sig 2,3 pró­sentu­stigum frá síð­ustu könnun sem fram­kvæmd var 12. og 13. maí. Samkvæmt könn­un­inni nú er Guðni með 55% stuðn­ing, Davíð tæp­lega 20%, Andri Snær Magnason 12% og Halla Tóm­as­dótt­irt tæp 10%.

Stjórnarmaður útgáfufélagsins í kosningateymi

Frið­björn Orri Ket­ils­son, stjórn­ar­maður í Árvakri, útgáfu­fé­lags Morg­un­blaðs­ins, er í kosn­ingateymi Davíðs Odds­sonar, ásamt blaða­manni blaðs­ins. Frið­björn neit­aði að stað­festa aðkomu sína að kosn­inga­bar­átt­unni í sam­tali við Stundina í maí. „Ég tjái mig ekk­ert um það,“ sagði hann.

Davíð Oddsson var ráð­inn rit­stjóri Morg­un­blaðs­ins af eig­enda­hóp blaðs­ins, sem er sam­settur af helstu útgerð­ar­mönnum Íslands, árið 2009 eftir að hafa verið sagt upp störfum sem for­maður banka­stjórnar Seðla­banka Íslands í kjöl­far banka­hruns­ins. Talið er að minnst þriðj­ungur áskrif­enda blaðs­ins hafi sagt upp áskrift í kjöl­farið. 

Davíð er í sum­ar­leyfi sem rit­stjóri Morg­un­blaðs­ins á meðan hann freistar þess að verða kjör­inn for­seti Íslands.