Menntaðir vilja síður að fólki sé refsað fyrir vörslu fíkniefna til einkanota

Mikill meiri­hluti kvenna er fylgj­andi því að vændis­kaup séu refsi­verð en minna en helm­ingur karla. Þetta er á meðal nið­ur­staðna net­könn­unar sem Félags­vís­inda­stofnun fram­kvæmdi í apríl 2015. Tekið var 1176 manna lag­skipt til­vilj­un­ar­úr­tak úr net­panel stofn­un­ar­innar og var svar­hlut­fallið 60 pró­sent. 

Fjallað var um rétt­ar­til­finn­ingu lands­manna og afstöðu þeirra til ýmissa brota í erindi Helga Gunn­laugs­sonar, pró­fess­ors í félags­fræði, og Jónasar Orra Jón­as­sonar félags­fræð­ings á Þjóð­ar­spegli Háskóla Íslands á föstu­dag. 

„Margir fræði­menn telja mik­il­vægt að refsi­lög­gjöfin og dómar séu í sam­ræmi við rétt­ar­til­finn­ingu borg­ar­anna. Dómar sem gangi í ber­högg við sið­ferðis- og rétt­læt­is­kennd borg­ar­anna geti smám saman grafið undan trausti á rétt­ar­rík­inu. Mælingar á afstöðu borg­ar­anna á afbrotum eru því brýnar til að varpa ljósi á hvernig þeir skynja og upp­lifa afbrot og vanda­málin sem þau skapa,“ segir í útdrætti sem birt­ist á Skemm­unni.

Nið­ur­stöður könn­un­ar­innar á við­horfi fólks til refs­inga fyrir vændis­kaup leiða í ljós að konur eru mun hlynnt­ari slíkum refs­ingum en karlar, íbúar af höf­uð­borg­ar­svæð­inu eru hlynnt­ari þeim en lands­byggð­ar­fólk og háskóla­mennt­aðir lík­legri en fólk með minni menntun til að styðja refs­ing­arnar. Hvað varðar sölu á vændi skipt­ast svar­endur í tvær álíka stórar fylk­ingar, en mun færri vilja refsa fyrir sölu en kaup.