„Með löggugallann hérna aftur í skotti“

Lög­fræð­ing­ur­inn sem kærður hefur verið fyrir að bera lög­reglu­full­trúa úr fíkni­efna­deild og fyrr­ver­andi sam­starfs­mann sinn röngum sökum hefur verið ráð­inn sem afleys­inga­maður hjá lög­regl­unni á Suð­ur­landi. Hann sótti bún­ing­inn sinn á lög­reglu­stöð­ina á Hverf­is­götu í gær. 

„Já, það er alveg hár­rétt hjá þér. Ég er með löggugall­ann hérna aftur í skotti og sótti hann í dag. Ég er að fara að leysa af í mánuð í Vík í Mýrdal. End­ur­koma mín í lög­regl­una er nú ekki meiri en svo,“ sagði lög­fræð­ing­ur­inn þegar Stundin hafði sam­band við hann í gær. Maðurinn er fyrr­ver­andi starfs­maður fíkni­efna­deildar. Hann sótti um starf lög­reglu­full­trúa fyrir nokkrum mán­uðum en fékk ekki. 

RÚV greindi stutt­lega frá máli lög­fræð­ings­ins áðan en fjallað verður ítar­lega um mál­efni fíkni­efna­deildar í blaði Stund­ar­innar sem kemur út á fimmtu­dag­inn.

Fram kemur í styttri útgáfu af nið­ur­fell­ing­ar­bréfi hér­aðs­sak­sókn­ara í máli lög­reglu­full­trú­ans, sem hreins­aður hefur verið af ásök­unum um brot í starfi, að umræddur lög­fræð­ingur hafi haft sam­band við rík­is­sak­sókn­ara í fyrra og sagst vera umbjóð­andi aðila sem byggi yfir upp­lýs­ingum um „meint brot ákveð­ins/ákveð­inna lög­reglu­manna“ sem gegndu stöðum yfir­manna í ávana- og fíkni­efna­deild lög­reglu­stjór­ans á höf­uð­borg­ar­svæð­inu.

Fram kom að umbjóð­and­inn hefði áhuga á að deila upp­lýs­ing­unum ef hægt væri að gera ákveðna fyr­ir­vara vegna þess fram­burðar sem hann myndi gefa