Illugi Gunn­ars­son, mennta- og menn­ing­ar­mála­ráð­herra, á ennþá eftir að svara mörgum spurn­ingum um Orku Energy-málið svo­kallað. Stundin hefur sent honum, mennta­mála­ráðu­neyt­inu og/eða aðstoð­ar­mönnum margar spurn­ingar sem ekki hafa borist svör við og eru þær helstu birtar hérna. Þá liggja fyrir spurn­ingar á Alþingi frá sem ráð­herr­ann á enn eftir að svara. 

Stundin hefur á síð­ustu mán­uðum fjallað ítar­lega um mál Illuga Gunn­ars­son og Orku Energy en spurn­ingar vökn­uðu um tengsl hans við það eftir að það var hluti af opin­berri heim­sókn hans til Kína í mars. Í ljós kom að Illugi, sem vann fyrir fyr­ir­tækið árið 2011 og 2012 meðan hann var í leyfi frá þing­störfum, hafði selt stjórn­ar­for­manni fyr­ir­tæk­is­ins íbúð sína í árs­lok 2013 eftir að hann lenti í fjár­hags­erf­ið­leikum. Síðan þá hafa fjöl­miðlar sent Illuga margar spurn­ingar vegna máls­ins og reynt að fá við hann við­töl en ráð­herr­ann hefur verið heldur tregur til að svara þrátt fyrir að enn sé mörgum spurn­ingum ósvarað.