Helena varð fyrir neteinelti: „Það á bara ekki að líðast“

Helena Reyn­is­dóttir, förð­un­ar­fræð­ingur og þátt­tak­andi í Ungfrú Ísland í sumar, vekur athygli á net­ein­elti sem hún varð fyrir á dög­unum inni í Beauty tips, lok­uðum hópi kvenna á Facebook. „Gaman þegar konur geta staðið saman. Sér­stak­lega gaman að þær séu að segja að kærast­inn minn haldi fram hjá mér. Aldrei séð jafn vont og ljótt bull áður,“ skrifar Helena og birtir myndir af umræðu­þræði á Instragram þar sem ungar stúlkur níða af henni skó­inn. Þess má geta að Helena tók þátt í Ungfrú Ísland í sumar þar sem hún var kjörin vinsælasta stúlkan.

 „Ég fékk bara sting í hjartað og mér leið ömur­lega.“

„Ég fékk sendar myndir af þessu á Snapchatið sem ég held úti. Ég fékk létt sjokk yfir því að fólk skuli virki­lega setja svona út á eigin síðu, þar sem nokkur hund­ruð manns eru að fylgj­ast með. Þetta voru ekki per­sónu­leg skila­boð. Þær eru í raun að ræða hvað ég sé ömur­leg. Einhver segir að ég hafi sagt rauð­hærðri stelpu að hún ætti ekki heima í förð­un­ar­búð. Ég veit ekki hvaða rugl þetta er,“ segir Helena í sam­tali við Stundina.

Sumar stúlkunnar halda því fram að kær­asti Helenu hafi haldið fram hjá henni. „Ég fékk bara sting í hjartað og mér leið ömur­lega. Ég hef fengið svona áður. Það fylgir því að vera eitt­hvað þekktur, en ætti auð­vitað ekki að gera það. Mér fannst þetta svo per­sónu­legt, því það verið að tala um mig sem per­sónu en ekki mig sem förð­un­ar­fræð­ing eða eitt­hvað álíka. Þetta er alveg ömur­legt,“ svarar Helena þegar hún er innt eftir því hvernig henni hafi liðið þegar hún sá skila­boðin. 

Eftir að Helena deildi reynslu sinni inni á Beauty tips hefur hún verið gagn­rýnd fyrir að birta skjá­skot af ein­elt­inu. Þá hefur henni verið tjáð að hún geti átt vona nei­kvæðri umræðu þar sem hún sé opin­ber per­sóna. „Þú ert orðin þekkt og mjöög margir eru að fylgj­ast með þér á sam­fé­lags­miðl­unum, ekki lesa hvað aðrir eru að segja um þig,“ skrifar ein. 

Helena leggur áherslu á að net­ein­elti eigi ekki að líð­ast þó fólk sé þekkt í sam­fé­lag­inu. „Það á bara ekki að líð­ast. Fólk á ekki í lagi að hugsa þannig. Þetta er vanda­mál sem þarf að taka á,“ segir Helena.

„Það er svo fárán­legt að það sé í lagi að láta svona af því að maður er smá þekktur, að þetta fylgi því bara. Voðalega margir segja að ég sé rosa­leg vond að birta nöfnin á stelp­unum sem töl­uðu svona, en ef þær mega segja þetta um mig á net­inu þá finnst mér ekki að ég eigi að verja þær.“