Guðni Ágústs­son er afdrátt­ar­laus hvað það varðar að hann muni ekki bjóða  sig fram til for­seta. Hann seg­ist sömu­leiðis ekk­ert hafa rætt við Gest Val­garðs­son, verk­fræð­ing og fyrr­ver­andi for­mann Fram­sókn­ar­fé­lags Kópavogs, sem vinnur að því að taka púls­ins á mögu­leika fram­boðs­ins hans. Í frétt DV um málið sagði Gestur að Guðni fylgd­ist gaum­gæfi­lega með úr fjar­lægð. Guðni sagð­ist hins vegar ekk­ert kann­ast við und­ir­bún­ing Gests. Stundin náði tali af Guðna Ágústs­syni þar sem hann var á göngu á strönd á Kanarí í „sól­skyni og sunnan vindi“ eins og hann komst að orði. „Hafðu það alveg á hreinu að Guðni Ágústs­son er ekki á leið­inni á Bessa­staði,“ segir Guðni.

Hann seg­ist ekki vilja velta fyrir sér hvor fari með rétt mál, hann eða Gestur. „Við skulum ekk­ert vera að velta því fyrir okkur. Ég hef ekki verið í neinu sam­bandi við vin minn, Gest. Þó menn nefni for­set­ann við mig og hafi gert árum saman, þá hef ég aldrei mátað mig við það emb­ætti og ég er ekk­ert á leið í fram­boð. Þannig að þetta er allt á hreinu af minni hálfu. Ég þakka þeim fyrir að nefna nafn mitt í svo stórt emb­ætti. Það er heiður og þökk sé þeim fyrir það en þeir eiga ekki að eyða tíma í þetta. Nú þarf að finna öfl­ugan for­seta sem full­nægir þessu mik­il­væga emb­ætti og þeim skil­yrðum sem gerð eru til for­seta Íslands,“ segir Guðni.

Guðni seg­ist ekki hafa neinn sér­stakan ein­stak­ling í huga sem arf­taka Ólafs Ragnars Gríms­sonar og býst hann við því að væn­legur kostur komi í ljós í mars­mán­uði.