Þessa stund­ina stendur Reginu Osara­ma­ese, ólétt tveggja barna móðir, fyrir framan Alþingi. Þar biðlar hún til fólks að vera ekki flutt úr landi ásamt börn­unum sínum. Stundin hefur áður fjallað um mál hennar, en sam­kvæmt vott­orði frá lækni mun Regina þurfa á keis­ara­skurði að halda þegar barn hennar fæð­ist, en hún á von á sér í jan­úar.

Regina stóð fyrir utan Alþingi með sonum sínum tveim, Daniel og Felix. Daniel er 4 ára síðan í mars og Felix verður tveggja ára í októ­ber, en hann er einmitt fæddur á Íslandi. Þýðing á text­anum sem stendur á skilti Reginu er eitt­hvað á þessa leið:

Lang­þreytt Regina er orð­inn lang­þreytt á því að lifa í stans­lausri óvissu en lög­maður hennar hefur ekki enn fengið svar við því hvort rétt­ar­á­hrifum verður frestað.

Mynd: Jón Bjarki

Regina flúði Nígeríu þegar hún var 6 ára gömul. Hún komst til Ítalíu í gegnum Lýbíu og svo til Ísland. Hún fæddi Daniel með keis­ara­skurði á Ítalíu árið 2012 og Felix á Land­spít­al­anum árið 2014. Stað­festir lækn­ir­inn í vott­orði sínu að hún muni einnig þurfa á slíkri aðgerð að halda við næstu fæð­ingu. 

Stundin greindi frá því í byrjun júlí að Gísli Kr. Björns­son, lög­maður Reginu, hefði óskað eftir því við Útlend­inga­stofnun að brott­vísun hennar og barna hennar yrði frestað á meðan á með­göngu stendur og höfðað yrði mál til ógild­ingar á ákvörðun stjórn­valda. Gísli stað­festi í sam­tali við Stundina fyrr í dag að hann hefði ekki fengið svar við erind­inu og því hafi ekki komið til frest­unar rétt­ar­á­hrifa. Regina þarf því áfram að bíða á milli vonar og ótta um það hvort hún hún fái að fæða barn sitt hér á landi. 

Regina segir lög­mann sinn vilja hjálpa sér að koma máli sínu fyrir dóm­stóla. „Hann gæti leyft mér að vera áfram á íslandi til að sjá um börnin mín. Ég bið bara um að mér sé leyft að vera á Íslandi. Ég vil vera hér svo börnin mín geti lifað eðli­legu lífi.“

Samkvæmt Reginu hefur verið ákveðið að senda hana aftur til Nígeríu, en engin dag­setn­ing hefur verið sett. Útilokað má telja að Regina geti fengið sæmi­lega lækn­is­þjón­ustu í Nígeríu, en þar er dán­ar­tíðni við barns­burð með því hæsta sem ger­ist í heim­inum.

Hún seg­ist vera að mót­mæla fyrir utan Alþingi til þess að vekja athygli þing­manna á máli sínu. „Ég vil bara biðja þing­menn um að leyfa mér að vera áfram á Íslandi. Það er það eina sem ég vil.“

Önnur umfjöllun Stund­ar­innar um mál Reginu:

Útlendingastofnun vill senda ólétta konu og börn
til Nígeríu: Biður um að fá að fæða barnið hér

Læknir staðfestir að Regina þarf keisaraskurð
en Útlendingastofnun vill senda hana til Nígeríu

„Ég kom hingað í leit að
góðu lífi fyrir börnin mín“