Fáir mættu í þingveislu sem boðað var til í Bændahöllinni í kvöld. Rúmlega 50 þingmenn og makar höfðu boðað komu sína en heimildamaður Stundarinnar taldi að mun færri hefðu mætt til samkomunnar sem hófst klukkan 19 í kvöld. Nokkrir mótmælendur sátu fyrir spariklæddum gestunum sem skörtuðu sínu besta.

Umdeild Varaþingmaðurinn og borgarfulltrúinn, Sveinbjörg Birna Sveinbjörnsdóttir, geislaði af gleði og þokka. Hjá henni er stund milli stríða eftir harkaleg átök í borgarstjórn.

Mynd: pressphotos.biz

Fyrrverandi og núverandi Hjónin Páll Pétursson, fyrrverandi ráðherra, og Sigrún Magnúsdóttir, núverandi ráðherra. Einsdæmi að hjón gegni ráðherraembættum.

Vel fór þó á með hópunum sem spjölluðu saman í góðu. Ólafur Ragnar Grímsson forseti Íslands, gaf sig á tal við mótmælendur sem vildu að hann beitti sér fyrir lýðræðisumbótum með vísan til framgöngu utanríkisráðherra.

Forsetinn tók ábendingunni vel en áréttaði að hann hefði í gegnum tíðina lagt sitt af mörkum til lýðræðisumbóta.