Frásögnum Gísla Freys og Sigríðar Bjarkar ber ekki saman

Þrátt fyrir að Per­sónu­vernd hafi kveðið upp úrskurð í máli Sigríðar Bjarkar Guð­jóns­dóttur, lög­reglu­stjóra á höf­uð­borg­ar­svæð­inu, er enn margt á huldu um sam­skipti þeirra Gísla Freys Val­dórs­sonar, fyrr­ver­andi aðstoð­ar­manns Hönnu Birnu, í nóv­em­ber árið 2013. 

Líkt og Kjarninn bendir á í dag er enn ekki hafið yfir allan vafa hvenær Sigríður Björk sendi Gísla Frey upp­lýs­ing­arnar um mál­efni Tony Omos og hvort þær upp­lýs­ingar hafi nýst aðstoð­ar­mann­inum til að koma höggi á hæl­is­leit­and­ann þegar skjali inn­an­rík­is­ráðu­neyt­is­ins var lekið. Þá sýna þau gögn sem Per­sónu­vernd fékk í hendur ekki með óyggj­andi hætti að Sigríður Björk hafi sent Gísla Frey grein­ar­gerð­ina um Tony Omos á vinnu­net­fang hans í inn­an­rík­is­ráðu­neyt­inu. Stundin spurði Sigríði Björk á dög­unum hvort hún hefði sent Gísla ein­hverjar upp­lýs­ingar á Gmail-net­fang hans og svar­aði hún neit­andi. 

Rann­sókn­ar­gögn leka­máls­ins benda til þess að Sigríður Björk hafi sjálf átt frum­kvæði að sam­skipt­unum að morgni dags þann 20. nóv­em­ber þegar hún hringdi í Gísla úr leyni­núm­eri. Í til­kynn­ingu sem Sigríður sendi frá sér þann 18. nóv­em­ber síð­ast­lið­inn sagð­ist hún hafa hringt í Gísla „til að svara skila­boðum.“ Gísli neit­aði þessu hins vegar í sam­tali við frétta­stofu RÚV sama dag, og sagð­ist ekki hafa skilið eftir nein skila­boð til lög­reglu­stjór­ans. 

Í sam­tali við frétta­stofu RÚV stuttu síðar sagði svo Sigríður að hún hefði hringt í Gísla vegna þess að hann hefði reynt að hringja í hana kvöldið áður: „Vegna þess að hann reyndi að hringja í mig kvöldið áður og ég svar­aði ekki.“ Í rann­sókn­ar­gögnum leka­máls­ins kemur ekki fram að Gísli hafi hringt úr sínum síma í Sigríði að kvöldi dags þann 19. nóv­em­ber.

Líkt og DV greindi frá á sínum tíma voru síma­gögn inn­an­rík­is­ráð­herra ekki skoðuð við rann­sókn leka­máls­ins. Í við­tal­inu við RÚV sagð­ist Sigríður Björk „ekki minn­ast þess“ að hafa talað við Hönnu Birnu í síma dag­inn sem gögn­unum var lekið né heldur dag­inn eftir. DV fékk svo svipað svar frá Þóreyju Vil­hjálms­dóttur, aðstoð­ar­konu Hönnu Birnu. „Ráðherra minn­ist þess ekki að hafa átt sím­tal við Sigríði Björk þennan dag,“ sagði Þórey aðspurð hvort mál­efni Tonys Omos og Evelyn Glory Joseph hefði borið á góma í sam­skiptum þeirra þann 19. nóv­em­ber árið 2013.