Ekkert form­legt erindi hefur borist inn­an­rík­is­ráð­herra um upp­töku á málum ástands­kvenna og mun ráðu­neytið því ekki skoða þau sér­stak­lega, að svo stöddu. 

Þetta kemur fram í svari ráðu­neyt­is­ins við spurn­ingum blaða­manns frá í síð­ustu viku.

Meyjarhaftsrannsóknir á stúlkum

Í nýjasta tölu­blaði Stund­ar­innar er fjallað sér­stak­lega um „ástandið“ og fjallað er um þá hörku og óhóf­legu vald­beit­ingu sem konur urðu fyrir af hendi yfir­valda. Í stuttu máli segir þar frá þeim umfangs­miklu per­sónunjósnum og þving­unum sem konur sættu af hendi lög­reglu­kon­unnar, Jóhönnu Knudsen og ung­dóms­eft­ir­liti hennar. 

Umfjöll­unin styðst við heim­ildir frá yfir­heyrslum, dómum og rann­sókn­ar­að­ferðum sem draga upp afar svarta mynd af með­ferð ungra kvenna. Meðal ann­ars er þar um að ræða afar grófar lýs­ingar á yfir­heyrslum auk máls­með­ferða Ung­menna­eft­ir­lits­ins á nafn­greindum konum.

Dæmi eru um þving­anir þar sem stúlk­urnar/kon­urnar voru sendar nauð­ugar í lækn­is­skoð­anir til að athuga hvort meyj­ar­haft þeirra væri rofið til að sanna eða afsanna mætti „sekt“ þeirra.