Í kjölfar umfjöllunar Stundarinnar um Berry.En síðastliðinn miðvikudag hefur einn helsti talsmaður vörunnar á Íslandi, útvarpsmaðurinn Heimir Karlsson, brugðist illa við og gagnrýnt Stundina fyrir „æsisölumennsku“ þegar greint var frá gagnrýni læknis þess efnis að virka efnið í vörunni sem Heimir selur er í raun „hálfmelt matarlím“.

Björn Geir Leifsson skurðlæknir hefur ítarlega gagnrýnt vöruna og sagt hana vitagagnslausa. Svanur Sigurbjörnsson lyflæknir segist í samtali við Stundina vera sammála Birni Geir í megindráttum. Hann segir að ekki hafi verið sýnt fram á að bandvefsefnið kollagen-hýdrólýsat, sem Heimir segir að hjálpi gigtarsjúklingum, hjálpi við liðvandamál.

Miðað við það sem kemur fram á Facebook-hóp vörunnar kostar mánaðarskammtur um tíu þúsund krónur.

Heilsuvörurnar frá Berry.EN Berry.En vörurnar sem Heimir Karlsson selur koma í mismunandi útgáfu. Í heilsustykkjunum er mjólkursúkkulaði, glúkósasýróp, kornflögur, frúktósasýróp og fleira, ásamt kollagen-hýdrólýsat, sem Heimir segir hjálpa við gigt, en læknir segir að sé í raun matarlím.

Mynd: Berry.En …