„Ég hef ekki hug­mynd um það hvaðan þetta kemur. Það eru engar fyr­ir­liggj­andi til­lögur um þetta. Það hefur margoft verið rætt um bónusa án þess að neinar til­lögur séu uppi um það mál," segir Friðrik Soph­us­son, for­maður stjórnar Íslands­banka, vegna fréttar Morg­un­blaðs­ins um að Birna Ein­ars­dóttir banka­stjóri Íslands­banka, auk fram­kvæmda­stjóra og stjórn­ar­manna bank­ans, hafi farið fram á kaupauka í tengslum við gerð nauða­samn­ings og mögu­lega sölu hans. 

Stefán Einar Stef­áns­son við­skiptasið­fræð­ingur skrifar frétt­ina, en þar kemur fram að gerð hafi verið til­laga um að 1 pró­senta hlutur í bank­anum renni hópnum í skaut. Friðrik þver­tekur fyrir að nokkrar til­lögur, hvað þá ákvarð­andir, liggi fyrir um málið. Þá seg­ist hann hafa allar sínar upp­lýs­ingar um þetta úr fjöl­miðli. Fréttin í morgun hafi komið honum í opna skjöldu. „Ég las þetta í Morg­un­blað­inu. Meira hef ég ekki um þetta mál að segja," segir Friðrik sem vill ekki tjá sig um hvort eðli­legt sé að æðstu stjórn­endur bank­ans eign­ist hlut í bank­anum.