Þessi grein birtist upphaflega í Stundinni fyrir meira en 5 árum.
Fréttir Fjármál stjórnmálaflokka

Hæstu styrkir til Framsóknar frá útgerðinni

Á með­al styrktarað­ila Fram­sókn­ar­flokks­ins í fyrra voru flokks­fé­lag­ar sem hafa ver­ið áber­andi í við­skipta­líf­inu. Flokk­ur­inn tap­aði 2 millj­ón­um króna á ár­inu. End­ur­greiða þurfti styrk frá fyr­ir­tæki í eigu Ak­ur­eyr­ar­bæj­ar.

Hæstu styrkir til Framsóknar frá útgerðinni
Forysta Framsóknarflokksins Flokkurinn tapaði tveimur milljónum króna í fyrra. Mynd: Pressphotos
Steindór Grétar Jónsson
steindor@heimildin.is

Framsóknarflokkurinn fékk 9,5 milljónir króna í styrki frá lögaðilum í fyrra og komu stærstu upphæðirnar frá fyrirtækjum í sjávarútvegi og laxeldi.

Í ársreikningi Framsóknarflokksins vegna 2018, sem Ríkisendurskoðun birti í dag, kemur fram að flokkurinn hafi tapað 2 milljónum króna á árinu. Eigið fé flokksins er neikvætt um 56 milljónir króna og skuldir hans tæpar 240 milljónir króna.

Útgerðarfélögin Skinney-Þinganes, Eskja, Ísfélag Vestmannaeyja, Síldarvinnslan og Rammi styrktu öll flokkinn um hámarksupphæð, 400 þúsund krónur. Þá voru Samherji, Loðnuvinnslan, Hraðfrystihúsið - Gunnvör og Hvalur hf. einnig meðal styrktaraðila. Arnarlax og Laxar - fiskeldi styrktu einnig flokkinn um 400 þúsund krónur hvort.

Sælgætisframleiðandinn Góa - Linda, heildverslunin Mata, Kjarnafæði, Kaupfélag Skagfirðinga, Steypustöðin, Tak-Malbik og Fjárfesting fasteignasala styrktu einnig flokkinn um háar upphæðir.

Félagið Kaupbréf ehf. styrkti flokkinn um 350 þúsund krónur. Félagið er alfarið í eigu Hrólfs Ölvissonar, fyrrverandi framkvæmdastjóra flokksins, sem sagði af sér í kjölfar umfjöllunar um Panamaskjölin. Hrólfur átti félagið Chamile Mar­ket­ing á Tortóla í Bresku Jóm­frú­­areyj­un­­um sem panamíska lög­­fræð­i­­stofan Mossack Fon­­seca stofnaði og hélt utan um. Hrólfur hefur verið virkur í viðskiptalífinu og var félagið notað til að fela kaup íslenskra félaga hans í danska fyrirtækinu Scancore ApS, samkvæmt umfjöllun Kastljóss.

Félagið Hvanná ehf. í eigu Finns Ingólfssonar, fjárfestis og fyrrverandi ráðherra og þingmanns Framsóknarflokksins, styrkti flokkinn um 200 þúsund krónur.

Loks fékk flokkurinn 60.000 króna framlag frá Norðurorku hf. sem houm varð skylt að endurgreiða. „Samkvæmt 3. mgr. 6. gr. laga nr. 162/2006 er stjórnmálasamtökum óheimilt að veita viðtöku framlögum frá fyrirtækjum í meirihlutaeigu ríkis eða sveitarfélaga,“ segir í athugasemd Ríkisendurskoðunar. „Norðurorka hf. er í eigu Akureyrarbæjar og fleiri sveitarfélaga. Framsóknarflokkurinn endurgreiddi framangreindan styrk á árinu 2019 og hefur Ríkisendurskoðun fengið staðfestingu þess efnis.“

Kjósa
0
Hvernig finnst þér þessi grein? Skráðu þig inn til að kjósa.
Efnisorð

Athugasemdir

Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir.
Tengdar greinar

Fjármál stjórnmálaflokka

Mest lesið

Mest lesið

Mest lesið í vikunni

Mest lesið í mánuðinum

Hann var búinn að öskra á hjálp
3
Viðtal

Hann var bú­inn að öskra á hjálp

Hjalti Snær Árna­son hvarf laug­ar­dag­inn 22. mars. For­eldr­ar hans lásu fyrst um það í frétt­um að hans væri leit­að í sjón­um, fyr­ir það héldu þau að hann væri bara í göngu­túr. En hann hafði lið­ið sál­ar­kval­ir, það vissu þau. Móð­ir Hjalta, Gerð­ur Ósk Hjalta­dótt­ir, lýs­ir því hvernig ein­hverf­ur son­ur henn­ar gekk á veggi allt sitt líf, og hvernig hann veikt­ist svo mik­ið and­lega að þau voru byrj­uð að syrgja hann löngu áð­ur en hann var dá­inn.
Forsprakki útifundar játaði fjárdrátt á leikskólanum Klettaborg
4
Fréttir

Forsprakki úti­fund­ar ját­aði fjár­drátt á leik­skól­an­um Kletta­borg

Sig­fús Að­al­steins­son, stofn­andi hóps­ins Ís­land - þvert á flokka, sem stend­ur fyr­ir úti­fund­um um hæl­is­leit­end­ur, ját­aði á sig fjár­drátt frá leik­skól­an­um Kletta­borg þeg­ar hann var for­stöðu­mað­ur þar. Hann vill ekki dæma hvort brot af því tagi séu nógu al­var­leg til að inn­flytj­end­ur sem gerð­ust sek­ir um þau ætti að senda úr landi.
Fjölskyldurnar sem eiga fiskana í sjónum
6
GreiningSjávarútvegsskýrslan

Fjöl­skyld­urn­ar sem eiga fisk­ana í sjón­um

Inn­an við tíu fjöl­skyld­ur eiga og stýra stærstu sjáv­ar­út­vegs­fyr­ir­tækj­um lands­ins. Þau fyr­ir­tæki sem skráð hafa ver­ið á mark­að eru enn und­ir stjórn, og að uppi­stöðu í eigu, þeirra ein­stak­linga sem fengu gjafa­kvóta. Fjár­fest­ing­ar eig­enda út­gerð­anna í öðr­um og óskyld­um grein­um nema tug­um millj­arða og teygja sig í maj­ónes­fram­leiðslu, skyndi­bitastaði, trampólín­garða og inn­flutn­ing á bleyj­um og síga­rett­um.

Mest lesið í mánuðinum

Nýtt efni

Mest lesið undanfarið ár

Morgunpósturinn

Morgunpóstur Heimildarinnar berst alla morgna og er fyrir öll þau sem hafa áhuga á fréttum og þjóðfélagsumræðu.

Áskrift hefur áhrif

Almenningur hefur viðhaldið Stundinni og Kjarnanum með áskriftum og styrkjum í áratug. Með því að kaupa áskrift að Heimildinni styrkir þú sjálfstæða rannsóknarblaðamennsku.
Sjá meira
© 2025 Sameinaða útgáfufélagið ehf. Allur réttur áskilinn. Notkun á efni miðilsins er óheimil án samþykkis.