„Taktu eftir því sem þú tekur eftir.“

– Þor­valdur Þor­steins­son

Þegar ég fæ gesti í heimsókn utan úr heimi ek ég stundum með þeim upp Borgartúnið sem ég segi að heiti „Boulevard of Broken Dreams“. Ég bendi á Höfða, hvíta timb­urhúsið þar sem Ronald Reagan og Mikhail Gor­bat­sjov hitt­ust árið 1986 og markar í huga margra fall kommúnism­ans og hrun járntjalds­ins. Næsta hús við Höfða er svarti gler- og marm­ara­kass­inn sem áður hýsti höfuð­stöðvar Kaup­þings. Þegar bank­inn féll árið 2008 var það fjórða stærsta gjald­þrot í sögu kapítal­ism­ans, ekki miðað við höfðatölu heldur í hreinum doll­urum talið: 20.000 milljónir dala, um tvö þúsund millj­arðar króna, tvær milljónir milljóna.

Ég er ekki að hlakka yfir óförum ann­arra, en það var magnað að vera ekki kom­inn á miðjan aldur og hafa upp­lifað hrun tveggja risa­vax­inna hug­mynda­kerfa. Þeim var haldið uppi af fólki sem hafði náð hátind­inum í ríkjandi valda- …