Panamaskjölin: Seldi húsið sitt mánuði fyrir kyrrsetningu í skattamáli

Sigurður Gísli Björns­son, athafna­maður og fyrr­ver­andi eig­andi fisk­sölu­fyr­ir­tæk­is­ins Sæmarks, seldi ein­býl­is­hús sitt á Arn­ar­nesi til fyr­ir­tæk­is­ins Hótel Val­hallar ehf. rúm­lega einum mán­uði áður en eignir hans voru kyrr­settar vegna rann­sóknar hér­aðs­sak­sókn­ara og skatt­rann­sókn­ar­stjóra á meintum mörg hund­ruð millj­óna króna skatta­laga­brotum hans. Söluverð húss­ins var 185 millj­ónir króna. Þetta kemur fram í kaup­samn­ingnum að hús­inu og í kyrr­setn­ing­ar­gerð­inni frá því í lok árs 2017. 

Eigandi félags­ins Hótel Val­hallar ehf. er athafna­mað­ur­inn Jón Ragn­ars­son, sem meðal ann­ars hefur verið í kast­ljósi fjöl­miðla á liðnum árum vegna deilna við rekstr­ar­að­ila veit­inga­stað­ar­ins Caruso en Jón er eig­andi hús­næð­is­ins. Hótel Valhöll er í dag skráður eig­andi húss­ins á Arn­ar­nes­inu en kyrr­setn­ing­ar­gerðin hvílir enn þá á því.

Hætta á eignaundanskotum

Í úrskurði í máli Sigurðar Gísla, þar sem tek­ist er á um kyrr­setn­ingu eigna hans, kemur fram að hætta hafi verið talin á því að Sigurður Gísli kæmi fjár­munum undan ef eignir hans yrðu ekki kyrr­settar: „Umtals­verðir fjár­munir hafi verið milli­færðir af banka­reikn­ingi sókn­ar­að­ila skömmu fyrir hald­lagn­ing­una og því sé ljóst að hætta hafi verið á að fjár­munir yrðu ekki til staðar þegar rann­sókn máls­ins væri lokið nema gripið væri til trygg­ing­ar­ráð­staf­ana. Byggði það mat meðal ann­ars á tengslum sókn­ar­að­ila við erlend félög og eðli fjár­muna, en auð­velt sé að færa þá á milli margra staða á stuttum tíma sé vilji til þess.“