Þessi grein birtist upphaflega í Stundinni fyrir meira en 5 árum.

Ætla að vísa Zainab og fjölskyldu hennar úr landi í næstu viku

Ís­lensk stjórn­völd neita að veita um­sókn ein­stæðr­ar móð­ur með tvö börn um hæli hér á landi efn­is­lega með­ferð. Fyr­ir ligg­ur mat á því að brott­vís­un muni valda dótt­ur­inni, Zainab Safari, sál­ræn­um skaða.

Ætla að vísa Zainab og fjölskyldu hennar úr landi í næstu viku
Verður fylgt úr landi Safari-fjölskyldunni verður að óbreyttu vísað frá Íslandi og þau send til Grikklands í næstu viku. Mynd: Davíð Þór

Shahnaz Safari og börnum hennar tveimur, Zainab og Amir, verður vísað úr landi í næstu viku ef ákvörðun íslenskra stjórnvalda fær að standa. Að óbreyttu verðu fjölskyldan send til Grikklands þar sem þeirra bíður ekki annað en vist í flóttmannabúðum. Móðirin Shahnas glímir við alvarlegt þunglyndi, fjölskyldufaðirinn er týndur í Grikklandi og ekkert vitað um afdrif hans og börnunum, 14 ára og 12 ára, mun ekki standa til boða að sækja sér menntun í Grikklandi. Þá liggur fyrir sálfræðilegt mat á því að verði brottvísunin að veruleika muni það valda Zainab sálrænum skaða.

„Henni líður mjög illa og kvíðir því sem koma skal“

Ómar Örn Magnússon, kennari við Hagaskóla þar sem Zainab hefur stundað nám, greinir frá því á Facebook að fjölskyldan hafi fyrir um tveimur vikum fengið þær fréttir að þeim yrði fylgt úr landi í næstu viku. Ómar Örn birti meðfylgjandi mynd við færsluna, sem birtist upphaflega á Stundinni, og lýsti því að það sem honum þætti skemmtilegast við hana væri á að henni væri Zainab farin að brosa en það hefði hún ekki gert fyrstu mánuðina sína í Hagaskóla. 

„Ég hef ekki hitt Zainab síðan þær fréttir bárust en hef hins vegar heyrt frá þeim sem hafa hitt hana að hún brosi ekki. Henni líður mjög illa og kvíðir því sem koma skal. Hún þráir ekkert heitar en að búa á Íslandi og gera gagn í samfélaginu okkar. Ég veit að hún mun gera það ef við bara gefum henni það tækifæri. Við getum gert það en ef við veljum að gera það ekki er ekki víst að hún fái mörg önnur tækifæri,“ skrifar Ómar. 

Endurupptökubeiðni hafnað í lok júní

Stundin hefur á síðustu mánuðum greint frá máli Safari fjölskyldunnar. Íslensk stjórnvöld hafa hafnað því að taka mál fjölskyldunna til efnislegrar meðferða á þeim forsendum að fjölskyldan hafi þegar fengið alþjóðlega vernd í Grikklandi. Gögn um ástand mála í Grikklandi sýna fram á að aðstæður flóttafólks þar erum afleitar. Þannig kemur fram í skýrslu mannréttindafulltrúa Evrópuráðsins frá síðasta sumri að grísk stjórnvöld hafi ekki sett af stað neinar aðgerðir til að vinna að aðlögun flóttamanna í landinu. Samkvæmt gögnum sem kærunefnd útlendingamála hefur stuðst við í mati á aðstæðum í Grikklandi eru þar fá gistiskýli í boði fyrir heimilislausa og ekkert húsnæði til staðar sem er einungis ætlað einstaklingum með alþjóðlega vernd. Þá er heilbrigðisþjónusta óviðunandi og á það einkum við um einstaklinga sem tilheyra sérstaklega viðkvæmum hópum. Shahnaz lýsir þeim aðstæðum sem fjölskyldan bjó við í Grikklandi sem hryllilegum.

Búið er að sækja um endurupptöku í máli fjölskyldunnar í tvígang en í báðum tilvikum hefur þeim verið hafnað. Í seinni upptökubeiðninni var byggt á því mati sálfræðings að ef brottvísun yrði framkvæmd yrði Zainab fyrir sálrænum skaða. Á það var hins vegar ekki fallist og beiðninni hafnað í lok síðasta mánaðar.  

Skólafélagar Zainab í Hagaskóla hafa rekið harða baráttu fyrir því að skólasystir þeirra og fjölskylda hennar fái að dvelja áfram hér á landi. Þannig var hrundið af stað undirskriftastöfnun sem dómsmálaráðherra voru afhentar eftir að hundruð nemenda gegnu fylktu liði úr skólanum til mótmæla við húsnæði Kærunefndar útlendingamála og síðan að dómsmálaráðuneytinu. Þá hefur fjársöfnun staðið yfir, meðal annars með fjáröflunarsýningu á söngleiknum Mary Poppins í skólanum.

Kjósa
0
Hvernig finnst þér þessi grein? Skráðu þig inn til að kjósa.

Athugasemdir

Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir.

Mest lesið

Júlía Margrét Alexandersdóttir
2
Það sem ég hef lært

Júlía Margrét Alexandersdóttir

Ekki hlusta á allt sem heil­inn seg­ir þér

Júlía Mar­grét Al­ex­and­ers­dótt­ir hef­ur lif­að með geð­hvörf­um í 15 ár. Hún hef­ur kljáðst við dekksta lit þung­lynd­is og fund­ið fyr­ir und­ur­vellíð­an í man­íu. Í ferl­inu hef­ur Júlía lært að stund­um á hvorki hjart­að né heil­inn at­kvæð­is­rétt. „Stund­um eru það annarra manna heil­ar og annarra manna hjörtu sem vita best.“

Mest lesið

Mest lesið í vikunni

Mest lesið í mánuðinum

Sælukot hagnast um tugi milljóna en starfsfólk og foreldrar lýsa skorti
4
Rannsókn

Sælu­kot hagn­ast um tugi millj­óna en starfs­fólk og for­eldr­ar lýsa skorti

Einka­rekni leik­skól­inn Sælu­kot, sem hef­ur feng­ið millj­arð króna í op­in­ber fram­lög síð­asta ára­tug, hef­ur hagn­ast vel og nýtt pen­ing­ana til að kaupa fast­eign­ir fyr­ir stjórn­ar­for­mann­inn. Stjórn­end­ur leik­skól­ans segja mark­mið­ið vera að ávaxta rekstr­araf­gang, en fyrr­ver­andi starfs­menn og for­eldr­ar nem­enda kvarta und­an langvar­andi skorti. Skól­an­um var ný­lega lok­að tíma­bund­ið vegna óþrifn­að­ar og mein­dýra.
Hollt mataræði lykilatriði að góðri heilsu
6
Fréttir

Hollt mataræði lyk­il­at­riði að góðri heilsu

Ax­el F. Sig­urðs­son, sér­fræð­ing­ur í hjarta­lækn­ing­um, hef­ur skoð­að tengsl fæðu og lífs­stíls við sjúk­dóma, einkum hjarta- og æða­sjúk­dóma. Tal­að hef­ur ver­ið um að lífs­stíls­sjúk­dóm­ar séu stærsta ógn­in við heilsu fólks og heil­brigðis­kerfi til næstu ára­tuga. Ax­el seg­ir að fólk geti breytt miklu með hollu mataræði og hreyf­ingu. Fé­lags­leg tengsl séu líka mik­il­væg. Hann ráð­legg­ur hreina fæðu til að sporna við kvill­um.

Mest lesið í mánuðinum

Nýtt efni

Mest lesið undanfarið ár