Alls gæti útsvars­tekju­tap Reykja­vík­ur­borgar vegna skatt­frjálsrar greiðslu séreign­ar­sparn­aðar inn á fast­eignalán numið um fimm millj­örðum króna á gild­is­tíma úrræð­is­ins, frá 1. júlí 2014 til 30. júní 2021. 

Samband íslenskra sveit­ar­fé­laga hefur metið kostnað sveit­ar­fé­laga vegna úrræð­is­ins á 2 millj­arða á ári, en þar af má gera ráð fyrir að borgin verði af útsvars­tekjum sem nema um 700 til 750 millj­ónum króna. Þetta kemur fram í umsögn fjár­mála­skrif­stofu Reykja­vík­ur­borgar um fjár­mála­á­ætlun rík­is­stjórn­ar­innar. 

Sér­eign­ar­sparn­að­ar­leiðin – heim­ild til að ráð­stafa sér­eign­ar­sparn­aði skatt­frjálst til að lækka höf­uð­stól hús­næð­is­lána – var kynnt haustið 2013 sem hluti af skulda­leið­rétt­ing­unni svoköll­uðu. Þrátt fyrir að sér­fræð­inga­hópur og stýri­hópur á vegum núver­andi rík­is­stjórnar hafi gagn­rýnt leið­ina og sagt hana einkum nýt­ast þeim tekju­hærri hefur rík­is­stjórnin ákveðið að fram­lengja gild­is­tíma úrræð­is­ins til árs­ins 2021. Mun þetta rýra útsvars­tekju­stofn borg­ar­innar næstu árin.

Birgir Björn Sig­ur­jóns­son, fjár­mála­stjóri Reykja­vík­ur­borgar, bendir á að með sér­eign­ar­sparn­að­ar­leið­inni hafi ríkið velt tals­verðum kostn­aði vegna hús­næð­is­stuðn­ings yfir á sveit­ar­fé­lögin. 

„Árið 2017 fékk Reykjavíkur­borg 244 m.kr. sérstakt fram­lag úr Jöfnun­ar­sjóði til sveit­arfélaga til að bæta borg­ar­sjóði þá tekju­skerð­ingu sem þau urðu fyrir þegar lög nr. 40/2014 um séreign­ar­sparnað og ráðstöfun hans til greiðslu húsnæð­islána voru sam­þykkt á árinu 2014. Þetta sérstaka fram­lag bætti þó aðeins lítinn hluta af útsvars­tekju­stapi Reykjavíkur­borgar, þ.e. 244 mkr af um 5.000 mkr,“ skrifar hann. „Gerð er krafa um það að Reykjavíkur­borg og öðrum sveit­arfélögum verði bætt það útsvars­tekju­tap að fullu sem hefur hlot­ist af ákvörðun Alþingis um skatt­frjálsa ráðstöfun séreign­ar­sparn­aðar.“