Tatjana Latinovic var í gær kjörin nýr for­maður Kven­rétt­inda­fé­lags Íslands. Hún er fyrsti for­maður Kven­rétt­inda­fé­lags­ins af erlendum upp­runa, en félagið var stofnað af Bríeti Bjarn­héð­ins­dóttur árið 1907.

„Kven­rétt­inda­fé­lag Íslands á sér 112 langa sögu í bar­áttu fyrir jafn­rétti,“ sagði Tatjana í ávarpi á aðal­fundi félags­ins í gær. „Ég er stolt að fá tæki­færi til að feta í fót­spor kvenna sem hafa gegnt for­mennsku á undan mér og hlakka til að leggja mitt að mörkum að leiða það í áfram­hald­andi bar­áttu fyrir jafn­rétti fyrir alla.“

Tatjana hefur setið sem vara­for­maður í stjórn félags­ins frá 2015 og tekur nú við for­mennsku af Fríðu Rós Valdi­mars­dóttur. Í til­kynn­ingu frá félag­inu segir að hún hafi verið bar­áttu­kona fyrir kven­rétt­indum og rétt­indum inn­flytj­enda síðan hún flutti til Íslands árið 1994. Hún er einn stofn­enda W.O.M.E.N. in Iceland – Samtaka kvenna af erlendum upp­runa, og sat í stjórn frá stof­nári 2003 til 2012, þar af sem for­maður 2004-2008. Hún sat einnig í stjórn Kvenna­at­hvarfs­ins, frá 2004 til 2012. Tatjana er for­maður Inn­flytj­enda­ráðs og situr í Jafn­rétt­is­ráði fyrir hönd Kven­rétt­inda­fé­lags­ins.

Kven­rétt­inda­fé­lag ÍslandsNý stjórn var kjörin á aðal­fundi í gær.

Á fund­inum voru fimm nýjar konur kosnar í stjórn, Bergljót Tulinius Gunn­laugs­dóttir, Eva Huld Ívars­dóttir, Stefanía Sig­urð­ar­dóttir, Helga Baldvins Bjarg­ar­dóttir og Hjördís Guðný Guð­munds­dóttir. Í stjórn sitja einnig áfram Ellen Calmon, Helga Dögg Björg­vins­dóttir, Hildur Helga Gísla­dóttir og Steinunn Stef­áns­dóttir.