Stjórn­endur WOW air seldu los­und­ar­heim­ildir vegna útblást­urs á koltví­sýr­ingi fyrir 400 millj­ónir króna skömmu áður en félagið fór í þrot. Mark­miðið var að eiga fyrir launa­greiðslum mars­mán­aðar til starfs­manna. Þetta kemur fram í Við­skipta­Mogg­anum í dag.

Fjár­mun­irnir bár­ust ekki til félags­ins á meðan það starf­aði, enda var tekin ákvörðun um að skila inn flug­rekstr­ar­leyfi og taka félagið til gjald­þrota­skipta. Því eru að minnsta kosti 400 millj­ónir króna í reiðufé í þrota­búi WOW air.

Flug­fé­lagið hafði fengið los­un­ar­heim­ild­irnar úthlut­aðar án end­ur­gjalds og er flug­rek­endum heim­ilt að selja og kaupa þær eftir umfang starf­sem­innar. Ljóst er þó að WOW air hefði þurft að kaupa þær til baka síðar á árinu og var salan því hugsuð sem skamm­tíma­að­gerð vegna þröngrar lausa­fjár­stöðu. Heim­ild­irnar sem félagið hafði tryggt sér án end­ur­gjalds næstu árin eru virði tæp­lega 1,2 millj­arða króna. Úthlutun þeirra er hins vegar háð því að flug­rek­andi hafi gilt flug­rekst­ar­leyfi og verður þrota­búið því af þeim verð­mætum, að mati Við­skipta­Mogg­ans.