Starfsgreinasamband Íslands vísar kjaradeilu við Samtök atvinnulífisins til ríkissáttasemjara. Þetta kemur fram í tilkynningu sem sambandið sendi frá sér rétt í þessu.

Starfsgreinasambandið og SA hafa nú fundað alls hundrað og tíu sinnum síðan í nóvember 2018, en miðar ekki áfram í kjaradeilu sín á milli. Í tilkynningunni segir að „ýmislegt hefur þokast áfram á undangegnum vikum í einstökum málum og umræðugrundvöllur til staðar á öðrum sviðum.“

Þrátt fyrir það er mat viðræðunefndar Starfsgreinasambandsins að nú verði ekki komist lengra í deilunni nema með aðkomu ríkissáttasemjara. Biðla þau til ríkissáttasemjara að skipuleggja og stýra áframhaldandi vinnu.

Í dag var einnig viðræðum Efl­ing­ar, VR, VLFA, VLFG og Sam­taka at­vinnu­lífs­ins slitið. Samn­inga­fund­ur hófst um tvö leytið í húsa­kynn­um rík­is­sátta­semj­ara en var lokið fyrir þrjú leytið, en fundurinn átti að standa til hálf fjögur.

Deiluaðilar munu hitt­ast áfram á tveggja vikna fresti þrátt fyr­ir slit á viðræðunum, eins og kveðið er á um í lög­um.