Þessi grein birtist upphaflega í Stundinni fyrir meira en 6 árum.

Stjórnarþingmenn styðja Bergþór Ólason

Sit­ur áfram sem formað­ur um­hverf­is- og sam­göngu­nefnd­ar Al­þing­is í skjóli þing­manna Sjálf­stæð­is­flokks­ins, Vinstri grænna og Fram­sókn­ar­flokks­ins sem vís­uðu frá til­lögu um kosn­ingu nýs for­manns.

Stjórnarþingmenn styðja Bergþór Ólason
Varinn af stjórnarþingmönnum Meirihluti umhverfis- og samgöngunefndar auk Klaustursþingmanna vísaði í morgun frá tillögu um að setja Bergþór Ólason af sem formann umhverfis- og samgöngunefndar.

Þingmenn stjórnarflokkanna í umhverfis- og samgöngunefnd Alþingis vísuðu á fundi í morgun frá tillögu um að formaður nefndarinnar yrði settur af. Bergþór Ólason mun því sitja sem fastast í formannsstólnum nú eftir að hann kom til baka úr sjálfskipuðu leyfi sínu frá þingstörfum eftir Klaustursskandalinn.

Bergþór settist aftur á þing í síðustu viku eftir að hafa farið í leyfi í lok nóvember í kjölfar þess að Stundin og DV birtu upptökur af svívirðingum sem hann lét frá sér í drykkjusamsæti með öðrum þingmönnum Miðflokksins og tveimur þingmönnum Flokks fólksins.

Meðal þess sem Bergþór lét sérum munn fara var að Inga Sæland, formaður Flokks fólksins, væri „húrrandi klikkuð kunta“, að Íris Róbertsdóttir, bæjarstjóri í Vestmannaeyjum væri „miklu minna hot í ár en hún var bara fyrir tveimur árum“, að Albertína Elíastdóttir, þingkona Samfylkingarinnar hefði reynt að nauðga sér, um að vilja ríða Lilju Alfreðsdóttur menntamálaráðherra Framsóknarflokksins og hún væri „skrokkur sem typpið á mér dugði í“ auk annarra ógeðfelldra ummæla um konur og kollega sína.

Orðfæri og framganga Bergþórs og hinna Klaustursþingmannanna vakti sem þekkt er mikla reiði og andúð. Hópur þingkvenna sendi frá sér, í kjölfar birtingar á upptökum af ummælunum, yfirlýsingu þar sem þær fordæmdu þau og óskuðu eftir að málið yrði tekið upp í forsætisnefnd. Þá ræddu þingmenn sín á milli ýmsar hugmyndir að aðgerðum til að sniðganga eða koma Klaustursþingmönnunum í skilning um að þeir væru ekki velkomnir á þingi. Lilja Alfreðsdóttir sagði yfirlýsingar þingmanna Miðflokksins óafsakanlegar og Guðni Th. Jóhannesson, forseti Íslands, lýsti því yfir að honum hefði ofboðið virðingarleysið sem hefði komið fram í orðfæri þingmannanna.

Bergþór hefur setið sem formaður umhverfis- og samgöngunefndar frá síðustu Alþingiskosningum og eftir að hafa tekið sæti á þingi aftur í síðustu viku mætti hann á fund nefndarinnar í morgun. Þar bar Helga Vala Helgadóttir, þingkona Samfylkingarinnar, upp tillögu um Bergþór yrði settur af, með stuðningi Rósu Bjarkar Brynjólfsdóttur, þingkonu Vinstri grænna, og Hönnu Katrínar Friðrikssonar, þingkonu Viðreisnar. Mun hafa verið gerð athugasemd við tillöguna inni á fundinum og því velt upp að mögulega stæðist það ekki þingsköp að setja formanninn af án þess að kjósa nýjan í staðinn. Munu þingkonurnar sem stóðu að tillögunni þá hafa farið fram á að gert yrði stutt fundarhlé til að hægt yrði að kanna hvort tillagan stæðist þingskaparlög, og ef vafi léki á því væri mögulegt að gera breytingar á tillögunni, ef þörf kræfi, á þann veg að kosinn yrði nýr formaður. Því var hins vegar hafnað. 

Þegar því hafði verið hafnað, að gera hlé á fundinum, fóru þingkonurnar sem stóðu að tillögunni um að setja Bergþór af fram á að greidd yrðu atkvæði um hana óbreytta. Jón Gunnarsson, þingmaður Sjálfstæðisflokksins og 1. varaformaður nefndarinnar, lagði þá fram frávísunartillögu á tillöguna og samþykktu nefndarmenn stjórnarflokkanna og Klaustursþingmenn hana. Þetta voru, ásamt Jóni og Bergþóri, þau Ari Trausti Guðmundsson úr Vinstri grænum, Vilhjálmur Árnason úr Sjálfstæðisflokki, Líneik Anna Sævarsdóttir úr Framsóknarflokki og Karl Gauti Hjaltason utan flokka en hann sat einmitt á Klaustri umrætt kvöld.

Verja ekki Lilju

Nokkra athygli vekur að sjá þingmenn stjórnarflokkanna styðja með svo einörðum hætti áframhaldandi formennsku Bergþórs, meðal annars vegna eindreginna yfirlýsinga Lilju Alfreðsdóttur menntamálaráðherra um málið. Lilja hefur lýst þeim orðum sem voru látin falla á Klaustri sem árás og sem ofbeldi, að þeir Sigmundur Davíð Gunnlaugsson, Gunnar Bragi Sveinsson og Bergþór séu ofbeldismenn, eins og sjá má í viðtali við hana sem birt er hér að neðan. Nú bregður svo við að meira að segja samflokkskona hennar, Líneik Anna, gengur fram fyrir skjöldu til að verja stöðu Bergþórs.

Þetta er þó ekki í fyrsta skipti sem að þingmenn ríkisstjórnarflokkanna hafa tekið upp hanskann fyrir Klaustursþingmenninna. Þingmenn Miðflokksins hafa lýst því yfir að þeir vilji að Bára Halldórsdóttir, sú sem tók upp samskipti þeirra á Klaustri, sæti refsingu, greiði þeim miskabætur og verði sektuð af Persónuvernd vegna ólögmætrar „njósnaaðgerðar“. Bjarni Benediktsson, fjármálaráðherra ríkisstjórnarinnar, hefur lýst skilningi á aðgerðum þingmannanna gagnvart Báru. „Ef ég á að segja alveg eins og er þá er ég kominn með hundleið á þessu máli. Ég skil alveg það sem Sigmundur Davíð er að benda á og tel að vilji menn láta reyna á rétt sinn til þess að kalla fram frekari gögn og upplýsingar þá sé mjög hæpið að menn reyni að leggja stein í götu þeirra,“ sagði hann í Kryddsíld Stöðvar 2 á gamlársdag.

Kjósa
0
Hvernig finnst þér þessi grein? Skráðu þig inn til að kjósa.

Athugasemdir

Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir.
Tengdar greinar

Klausturmálið

Bergþór gerður að nefndarformanni með tveimur atkvæðum – Fulltrúar annarra flokka sátu hjá
FréttirKlausturmálið

Berg­þór gerð­ur að nefnd­ar­for­manni með tveim­ur at­kvæð­um – Full­trú­ar annarra flokka sátu hjá

Berg­þór Óla­son klæmd­ist og út­húð­aði stjórn­mála­kon­um á veit­inga­stað í fyrra og tal­aði um mennta­mála­ráð­herra sem „skrokk sem typp­ið á [sér] dygði í“. Í dag tryggðu nefnd­ar­menn um­hverf­is- og sam­göngu­nefnd­ar hon­um for­mennsku með hjá­setu í at­kvæða­greiðslu, en að­eins Berg­þór og Karl Gauti Hjalta­son greiddu at­kvæði með því að hann yrði formað­ur.
Skýringar Bergþórs og Gunnars Braga á ummælum um Albertínu skiptu ekki máli
FréttirKlausturmálið

Skýr­ing­ar Berg­þórs og Gunn­ars Braga á um­mæl­um um Al­bertínu skiptu ekki máli

Eft­ir að siðanefnd komst að þeirri nið­ur­stöðu að um­mæli Gunn­ars Braga og Berg­þórs Óla­son­ar um Al­bertínu Frið­björgu Elías­dótt­ur og MeT­oo væru brot á siða­regl­um sögð­ust þing­menn­irn­ir hafa ver­ið að lýsa erfiðri reynslu, áreitni og „kyn­ferð­is­broti“. „Hvað við­kem­ur lýsingu BÓ og GBS á sam­skipt­um þeirra við Al­bertínu Frið­björgu Elías­dótt­ur, sbr. kafli 2.5., verð­ur ekki séð að lýsing­ar þeirra á þeim skipti máli við mat á þeim málavöxt­um,“ seg­ir for­sæt­is­nefnd.

Mest lesið

Júlía Margrét Alexandersdóttir
2
Það sem ég hef lært

Júlía Margrét Alexandersdóttir

Ekki hlusta á allt sem heil­inn seg­ir þér

Júlía Mar­grét Al­ex­and­ers­dótt­ir hef­ur lif­að með geð­hvörf­um í 15 ár. Hún hef­ur kljáðst við dekksta lit þung­lynd­is og fund­ið fyr­ir und­ur­vellíð­an í man­íu. Í ferl­inu hef­ur Júlía lært að stund­um á hvorki hjart­að né heil­inn at­kvæð­is­rétt. „Stund­um eru það annarra manna heil­ar og annarra manna hjörtu sem vita best.“

Mest lesið

Mest lesið í vikunni

Mest lesið í mánuðinum

Sælukot hagnast um tugi milljóna en starfsfólk og foreldrar lýsa skorti
4
Rannsókn

Sælu­kot hagn­ast um tugi millj­óna en starfs­fólk og for­eldr­ar lýsa skorti

Einka­rekni leik­skól­inn Sælu­kot, sem hef­ur feng­ið millj­arð króna í op­in­ber fram­lög síð­asta ára­tug, hef­ur hagn­ast vel og nýtt pen­ing­ana til að kaupa fast­eign­ir fyr­ir stjórn­ar­for­mann­inn. Stjórn­end­ur leik­skól­ans segja mark­mið­ið vera að ávaxta rekstr­araf­gang, en fyrr­ver­andi starfs­menn og for­eldr­ar nem­enda kvarta und­an langvar­andi skorti. Skól­an­um var ný­lega lok­að tíma­bund­ið vegna óþrifn­að­ar og mein­dýra.
Hollt mataræði lykilatriði að góðri heilsu
6
Fréttir

Hollt mataræði lyk­il­at­riði að góðri heilsu

Ax­el F. Sig­urðs­son, sér­fræð­ing­ur í hjarta­lækn­ing­um, hef­ur skoð­að tengsl fæðu og lífs­stíls við sjúk­dóma, einkum hjarta- og æða­sjúk­dóma. Tal­að hef­ur ver­ið um að lífs­stíls­sjúk­dóm­ar séu stærsta ógn­in við heilsu fólks og heil­brigðis­kerfi til næstu ára­tuga. Ax­el seg­ir að fólk geti breytt miklu með hollu mataræði og hreyf­ingu. Fé­lags­leg tengsl séu líka mik­il­væg. Hann ráð­legg­ur hreina fæðu til að sporna við kvill­um.

Mest lesið í mánuðinum

Nýtt efni

Mest lesið undanfarið ár