Átta starfs­menn Ísa­fold­ar­prent­smiðju fengu upp­sagn­ar­bréf nú um ára­mótin. Um er að ræða ríf­lega tíu pró­sent allra starfs­manna prent­smiðj­unnar en sam­kvæmt heima­síðu fyr­ir­tæk­is­ins vinna þar um 60 manns. Ástæðan er, að sögn Krist­þórs Gunn­ars­sonar fram­kvæmda­stjóra, hag­ræð­ing­ar­að­gerðir.

Starfs­menn­irnir sem um ræðir vinna flestir eða allir í blaða­prent­un­ar­deild prent­smiðj­unnar. „Við erum að breyta vakta­kerf­inu þannig að það henti betur fram­leiðsl­unni eins og hún er núna. Við sögðum upp þessum átta en svo er ekki víst að við þurfum að segja þeim upp end­an­lega. Við von­umst til að geta end­ur­ráðið þessa starfs­menn alla en það verður bara að koma í ljós,“ segir Kristþór.

Aðspurður hvort ástæðan fyrir hag­ræð­ing­ar­að­gerð­unum og þar með upp­sögn­unum væri að ein­hverjir þeirra aðila sem láta prenta sitt efni hjá Ísa­fold­ar­prent­smiðju væru að draga saman seglin í prentun svar­aði Kristþór því til að svo væri ekki. Frétt­blaðið er stærsti við­skipta­vinur Ísa­fold­ar­prent­smiðju og orðrómur hefur verið uppi um að blaðið skuldi prent­smiðj­unni ótil­greindar fjár­hæðir umfram það sem venja er. Spurður hvort að eitt­hvað sé hæft í því sagði Kristþór að hann gæti hvorki né vildi svara því. „Ég svara því ekki, það er bara trún­að­ar­mál á milli okkar og okkar við­skipta­vina hver staðan er hjá þeim hverju sinni.“ Spurður enn frekar hvort að ástæðan fyrir hag­ræð­ing­að­gerð­unum hjá prent­smiðj­unni mætti rekja til mögu­legra skulda Frétta­blað­ins eða breyt­inga þess á við­skiptum við prent­smiðj­una vildi Kristþór ekki heldur svara því.