Tveir leið­sögu­menn lýsa klúðri af hendi ferða­þjón­ustu­fyr­ir­tæk­is­ins Guide to Iceland í ferð um Snæ­fells­nes með fjöl­mennum hópi frá Asíu á aðfanga­dag og jóla­dag. Skipu­lags­leysi hafi hamlað aðgangi að mat og sal­ern­is­að­stöðu og valdið ferða­mönnum miklum von­brigðum.

Finnbogi Þorkell Jónsson leið­sögu­maður birtir á Facebook síðu sinni tölvu­póst sem hann sendi á fyr­ir­tækið að ferð lok­inni. „Það verður lík­leg­ast ekki krónan eða hátt verð­lag eða eld­gos sem mun stúta stærstu atvinnu­grein þjóð­ar­innar,“ skrifar hann. „Heldur eitt stærsta fyr­ir­tækið í brans­anum.“

Finnbogi og Halldór Kristinn Har­alds­son fóru sem verk­takar í ferð­ina með 36 manna hópi og segja að fyr­ir­tækið hafi ekki tryggt aðgengi að veit­inga­stað þar sem fólkið gæti borðað á aðfanga­dags­kvöld. Eftir mörg sím­töl hafi vert á nálægu hót­eli nálægt Borg­ar­nesi loks getað boðið upp á jóla­hlað­borð. „Hins vegar sagð­ist hann aldrei á 20 ára ferli hafa heyrt um að fyr­ir­tæki væri með 36 manns á ferð­inni á aðfanga­dag og væri ekki búið að plana dinner.“

Gátu ekki komist á salerni

Á jóla­dag hafi komið í ljós að á fáum stöðum á Snæ­fells­nesi sé boðið upp á mat og sal­ern­is­stöðu. Þetta hafi Guide to Iceland ekki verið búið að ganga úr skugga um. Far­þeg­arnir hafi því ekki getað nálg­ast mat á 8 klukku­tíma tíma­bili og einnig verið án aðgengis að sal­ernum í fjóra tíma. „Með 36 manns á ferð­inni verður þetta að vera í lagi. Við vorum með eldra fólk og einn ung­lings­strák sem veikt­ist á leið­inni. Þetta var disaster fyrir þau.“

„Þetta var disaster fyrir þau.“

Þá hafi margt annað brugð­ist, til að mynda bók­anir í hella­ferð, ferða­á­ætlun og skipu­lag á norð­ur­ljósa­skoðun. „Kúnn­arnir spurðu hvort þetta væri alltaf svona illa skipu­lagt og ein­hverjir ætla að skrifa eða blogga um þetta,“ skrifa leið­sögu­menn­irnir. „Við viljum benda á að flestir þess­ara ferða­manna eru frá Asíu og það þarf ansi mikið til að þau kvarti. Það er ekki í þeirra kúltur. Ef þau hefðu verið Banda­ríkja­menn eða Bretar þá hefði allt orðið brjálað. Við björg­uðum því sem bjargað varð en viljum benda á að bak­við excelið er fólk á ferða­lagi, jafn­vel að upp­lifa ævin­týri lífs­ins þannig að þið getið ímyndað ykkur von­brigðin þegar þau átta sig á að leið­sögu­mað­ur­inn er að redda og gera og græja allan tím­ann hluti sem eiga að vera í lagi.“

Vinna ekki framar fyrir Guide to Iceland

Þeir hafi því ákveðið að vinna ekki framar fyrir Guide to Iceland. „Í okkar gæda­kreðsu er það regla númer eitt að vinna ekki fyrir svona fyr­ir­tæki þannig að endi­lega takið okkur af öllum mögu­legum gæda­listum, póst og síma­núm­er­a­listum og norðu­ljósa­listum. Svo vonum við brans­ans vegna að unnið verði með þetta klúður.

Finnbogi segir að full­trúi Guide to Iceland hafi í kjöl­far tölvu­pósts­ins hringt í hann og sagt að hann fengi aldrei aftur vinnu hjá þeim. Segist hann vera afar sáttur með það.

„Við vinnum ann­ars báðir hjá öðrum og vel reknum fyr­ir­tækjum en þetta var auka­djobb,“ skrifa Finnbogi og Halldór. „Við hvetjum alla gæda til að rann­saka vel fyr­ir­tækin sem þeir kjósa að vinna fyrir.“