Það var skammt stórra högga á milli í erlendum fréttum á árinu sem er að líða og mörg mál enn óuppgerð. Nokkrar stærstu fréttir ársins 2018 munu því sennilega halda áfram að vera ofarlega á baugi á komandi ári.

Rússar, Rússar alls staðar!

Rússar fóru víða á árinu og þóttust margir sjá áhrifa þeirra gæta á hinum og þessum stöðum. Rússneskir útsendarar sæta nú meðal annars rannsókn fyrir að hagræða bandarískum forsetakosningunum, eitra fyrir njósnurum á breskri grundu, stunda umfangsmiklar tölvuárásir og svo mætti lengi telja.

Nú síðast þurftu ráðamenn í Kreml að verjast ásökunum um að þeir stæðu að baki mótmælunum í Frakklandi sem kennd eru við gul vesti. Rússagrýlan lifir góðu lífi sama hvort afskipti Rússa eru í raun mikil eða engin.

GulvestungarGulu vestin eru einkenniskilæðnaður mótmælenda sem vildu stöðva hækkun eldsneytisgjalds, en einnig losna við Macron Frakklandsforseta.

Mynd: Shutterstock

Mál Sergei Skripal var einkennilegt svo ekki …