Önnur rang­færsla í feril­skránni: Fé­lag sér­kennara segir ekki rétt að Anna Kol­brún hafi verið rit­stjóri Glæða

Anna Kolbrún Árna­dóttir, þing­maður Mið­flokks­ins, hefur aldrei verið rit­stjóri Glæða, fag­tíma­rits sér­kenn­ara, þótt hún haldi því fram á vef Alþingis.

Þetta stað­festir Sædís Ósk Harð­ar­dóttir, for­maður Félags sér­kenn­ara á Íslandi í sam­tali við Stundina. 

Hið rétta er að árin 2011 og 2012 átti Anna Kolbrún sæti í rit­nefnd blaðs­ins ásamt fjórum öðrum. Hermína Gunn­þórs­dóttir var þá rit­stjóri Glæða.

Anna Kolbrún er einn þeirra þing­manna sem hitt­ust á Klaustri bar þann 20. nóv­em­ber síð­ast­lið­inn og létu gamm­inn geysa. Stundin, DV og Kvenna­blaðið hafa fjallað ítar­lega um sam­skiptin sem náð­ust á hljóð­upp­töku.

Þetta er ekki eina rang­færslan sem er að finna í fer­il­skrá Önnu Kol­brúnar á vef Alþingis. Í gær sendi Félag þroska­þjálfa á Íslandi út yfir­lýs­ingu þar sem félagið gerði athuga­semd við að Anna Kolbrún hefði kallað sig þroska­þjálfa á þing­vefnum. 

„ÞÍ hefur stað­fest­ingu frá Land­lækn­is­emb­ætt­inu um að þing­mað­ur­inn hafi hvorki hlotið menntun sem þroska­þjálfi né fengið starfs­leyfi frá emb­ætt­inu,“ segir í yfir­lýs­ing­unni þar sem félagið áréttar að þroska­þjálfi er lög­verndað starfs­heiti.

Hefur Þroska­þjálfa­fé­lag Íslands til­kynnt brotið til land­lækn­is­emb­ætt­is­ins, en brot gegn ákvæðum laga um heil­brigð­is­starfs­menn og reglna sem settar eru á grund­velli þeirra varða sektum eða fang­elsi allt að þremur árum.