Þessi grein birtist upphaflega í Stundinni fyrir meira en 6 árum.

Suð, unaðsleg danstónlist, og harðkjarna pönk

Tón­leik­ar, við­burð­ir og sýn­ing­ar 9.–22. nóv­em­ber.

Suð, unaðsleg danstónlist, og harðkjarna pönk

Þetta er að gerast og svo margt fleira næstu tvær vikurnar.

Everybody’s Spectacular

Hvar? Reykjavík
Hvenær? 14.–18. nóvember
Aðgangseyrir: Fer eftir viðburðum.

Everybody’s Spectacular er árleg sviðslistahátíð sem blásið er til af LÓKAL og Reykjavík Dance Festival þar sem kynntir eru nýjustu straumar og stefnur í sviðslistum. Á hátíðinni verða frumsýnd ýmis verk, eins og til dæmis Moving Mountains í Þjóðleikhúsinu þar sem fimm sviðslistahöfundar segja sögur af því að flytja fjöll.

Serbneskir menningardagar

Hvar? Bíó Paradís
Hvenær? 9.–11. nóvember
Aðgangseyrir: 800–1.200 kr. á mynd

Á þessari hátíð er serbneskri kvikmyndagerð fagnað, en hún er haldin í annað sinn. Fjórar myndir verða sýndar á þessari hátíð, en serbneskar kvikmyndir einkennast gjarnan af raunsæishyggju og grimmum, svörtum húmor. Heiðursgestir hátíðarinnar í ár eru leikstjórarnir Milos Skundric (Ferðalagið langa í stríð), Nikola Kojo (Hjörð) og Vuk Rsumovic (Einskis manns barn). 

Tengingar

Hvar? Listasafn Sigurjóns Ólafssonar
Hvenær? Til 6. október 2019
Aðgangseyrir: 1.000 kr.

Í tilefni þess að 30 ár eru liðin frá því að Listasafn Sigurjóns Ólafssonar var opnað almenningi, er efnt til sýningar þar sem fjórtán myndlistarmenn, sem allir tengdust Sigurjóni og list hans með einum eða öðrum hætti, eiga samtal við verk Sigurjóns í fyrrum vinnustofu hans.

Bráðum verður bylting!

Hvar? Bíó Paradís
Hvenær? 11. nóvember kl. 15.00
Aðgangseyrir: 1.600 kr.

Stjórnarskrárfélagið efnir til sýningar á heimildarmyndinni Bráðum verður bylting! sem fjallar um baráttu íslenskra námsmanna á sjöunda áratugnum fyrir bættum kjörum og betra lífi. Að lokinni sýningunni verða umræður og verða leikstjóri myndarinnar, Hjálmtýr Heiðdal og formaður Eflingar, Sólveig Anna Jónsdóttir, á meðal frummælenda.

María Dalberg: Suð

Hvar? Hafnarhúsið
Hvenær? Til 25. nóvember
Aðgangseyrir: 1.650 kr.

Á sýningu Maríu Dalbergs er til sýnis þriggja rása vídeóinnsetning, hljóðverk og upplestur á prósa sem María skrifaði eftir áhrifamikla ferð til Galapagos-eyjar og Andesfjalla. Í sýningunni kannar María óljósu tengslin á milli hafsins, minninga og ímyndunaraflsins. Hún hefur áður unnið með vídeóinnsetningar, hljóð, gjörninga, ljósmyndir, teikningar og textaskrif. 

Gusgus

Hvar? Harpa Eldborg
Hvenær? 17. nóvember kl. 20.00
Aðgangseyrir: frá 5.990 kr.

Rafmagnaða hljómsveitin sem hefur það sem yfirlýst markmið að skapa unaðslega tónlist, Gusgus, heldur sérstaka stórtónleika í Hörpu. Farið verður í gegnum alla helstu slagara hljómsveitarinnar og því munu margir fyrrum hljómsveitarmeðlimir stíga aftur á svið til að flytja þau í upprunalegri mynd.

Haraldur Jónsson: Róf

Hvar? Kjarvalsstaðir
Hvenær? Til 27. janúar 
Aðgangseyrir: 1.650 kr.

Yfirlitssýning á verkum Haraldar Jónssonar, Róf, dregur fram sérstöðu listamannsins í íslensku listalífi. Ferill hans er fjölbreyttur og miðlarnir ólíkir en rauði þráðurinn er tilraun til þess að eima tilveruna. Í þrjá áratugi hefur Haraldur skoðað hvernig við greinum umhverfi okkar, vinnum úr upplifun, tjáum okkur og eigum í samskiptum hvert við annað.

Roht útgáfutónleikar

Hvar? Gaukurinn
Hvenær? 17. nóvember kl. 21.00
Aðgangseyrir: Ókeypis

Fáar pönk-harðkjarna-hljómsveitir hafa tærnar þar sem Roht hefur hælana. Þessi hávaðamaskína var að gefa út plötuna Iðnsamfélagið og framtíð þess og fagnar útgáfu hennar í góðra vina hópi með pönksveitinni xGADDAVÍRx og svartmálmssveitinni Vonlaus. Búast má við drungalegum og vægðarlausum látum sem hreyfa við sálinni.

Kjósa
0
Hvernig finnst þér þessi grein? Skráðu þig inn til að kjósa.

Athugasemdir

Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir.
Tengdar greinar

Stundarskráin

Mest lesið

Júlía Margrét Alexandersdóttir
1
Það sem ég hef lært

Júlía Margrét Alexandersdóttir

Ekki hlusta á allt sem heil­inn seg­ir þér

Júlía Mar­grét Al­ex­and­ers­dótt­ir hef­ur lif­að með geð­hvörf­um í 15 ár. Hún hef­ur kljáðst við dekksta lit þung­lynd­is og fund­ið fyr­ir und­ur­vellíð­an í man­íu. Í ferl­inu hef­ur Júlía lært að stund­um á hvorki hjart­að né heil­inn at­kvæð­is­rétt. „Stund­um eru það annarra manna heil­ar og annarra manna hjörtu sem vita best.“

Mest lesið

Mest lesið í vikunni

Júlía Margrét Alexandersdóttir
5
Það sem ég hef lært

Júlía Margrét Alexandersdóttir

Ekki hlusta á allt sem heil­inn seg­ir þér

Júlía Mar­grét Al­ex­and­ers­dótt­ir hef­ur lif­að með geð­hvörf­um í 15 ár. Hún hef­ur kljáðst við dekksta lit þung­lynd­is og fund­ið fyr­ir und­ur­vellíð­an í man­íu. Í ferl­inu hef­ur Júlía lært að stund­um á hvorki hjart­að né heil­inn at­kvæð­is­rétt. „Stund­um eru það annarra manna heil­ar og annarra manna hjörtu sem vita best.“

Mest lesið í mánuðinum

Sælukot hagnast um tugi milljóna en starfsfólk og foreldrar lýsa skorti
4
Rannsókn

Sælu­kot hagn­ast um tugi millj­óna en starfs­fólk og for­eldr­ar lýsa skorti

Einka­rekni leik­skól­inn Sælu­kot, sem hef­ur feng­ið millj­arð króna í op­in­ber fram­lög síð­asta ára­tug, hef­ur hagn­ast vel og nýtt pen­ing­ana til að kaupa fast­eign­ir fyr­ir stjórn­ar­for­mann­inn. Stjórn­end­ur leik­skól­ans segja mark­mið­ið vera að ávaxta rekstr­araf­gang, en fyrr­ver­andi starfs­menn og for­eldr­ar nem­enda kvarta und­an langvar­andi skorti. Skól­an­um var ný­lega lok­að tíma­bund­ið vegna óþrifn­að­ar og mein­dýra.
Hollt mataræði lykilatriði að góðri heilsu
6
Fréttir

Hollt mataræði lyk­il­at­riði að góðri heilsu

Ax­el F. Sig­urðs­son, sér­fræð­ing­ur í hjarta­lækn­ing­um, hef­ur skoð­að tengsl fæðu og lífs­stíls við sjúk­dóma, einkum hjarta- og æða­sjúk­dóma. Tal­að hef­ur ver­ið um að lífs­stíls­sjúk­dóm­ar séu stærsta ógn­in við heilsu fólks og heil­brigðis­kerfi til næstu ára­tuga. Ax­el seg­ir að fólk geti breytt miklu með hollu mataræði og hreyf­ingu. Fé­lags­leg tengsl séu líka mik­il­væg. Hann ráð­legg­ur hreina fæðu til að sporna við kvill­um.

Mest lesið í mánuðinum

Nýtt efni

Mest lesið undanfarið ár