Bjarni Bene­dikts­son fjár­mála­ráð­herra afhenti David Lidington, stað­gengli Theresu May og ráð­herra í rík­is­stjórn hennar, ein­tak af skýrslu Hannesar Hólm­steins Giss­ur­ar­sonar um erlenda áhrifa­þætti banka­hruns­ins í morgun. Þetta kemur fram á stjórn­ar­ráðsvefnum þar sem greint er frá fundi sem ráð­herr­arnir áttu í Birming­ham. 

Á fund­inum fóru þeir yfir nýj­ustu þróun í Brexit-við­ræð­unum og ræddu jafn­framt sam­skipti Íslands og Bret­lands eftir útgöng­una, um við­skipti land­anna almennt og mik­il­vægi þess að styrkja þau til fram­tíðar. Þá var fjallað um efna­hags­mál á Íslandi og þróun síð­ustu ára.

„Bjarni afhenti Lidington ein­tak af nýlegri skýrslu Félags­vís­inda­stofn­unar Háskóla Íslands um erlenda áhrifa­þætti banka­hruns­ins, en í henni er m.a. fjallað um for­dæma­lausa fram­göngu rík­is­stjórnar Verka­manna­flokks­ins í garð Íslend­inga þegar þáver­andi rík­is­stjórn Bret­lands beitti bresku hryðju­verka­lög­unum á Íslend­inga í tengslum við banka­hrunið,“ segir í til­kynn­ing­unni á vef stjórn­ar­ráðs­ins. 

Í skýrslu Hannesar Hólm­steins sem David Lidington fékk að gjöf er hrun íslenska fjár­mála­kerf­is­ins að vissu leyti rakið til aðgerða breskra stjórn­valda. Fjallar Hannes meðal ann­ars um beit­ingu hryðju­verka­lag­anna og aðgerðir Breta gagn­vart dótt­ur­fé­lög­unum Heritage Bank og Kaupt­hing Singer & Fried­lander. Hann setur fram til­gátur um hugs­an­legar ástæður þess hvernig breskir ráða­menn gengu fram og kemst að þeirri nið­ur­stöðu að bresk stjórn­völd skuldi Íslend­ingum afsök­un­ar­beiðni.