Ekki er minnst á áform um að setja Miklu­braut í stokk í sátt­mála nýs borg­ar­stjórn­ar­meiri­hluta. Slík áform voru eitt helsta áherslu­mál Sam­fylk­ing­ar­innar og Dags B. Egg­erts­sonar, sem áfram verður borg­ar­stjóri, í kosn­inga­bar­átt­unni í vor.

Í sátt­mál­anum kemur fram að skipu­lag og fram­kvæmdir vegna Borg­ar­línu hefj­ist á kjör­tíma­bil­inu. Til þess að auð­velda samn­inga við ríkið um þær fjár­fest­ingar virð­ist meiri­hlut­inn ætla að nota fram­tíð Reykja­vík­ur­flug­vallar sem lóð á voga­skál­arnar og seinka lokun hans. „Rekstr­ar­ör­yggi Reykja­vík­ur­flug­vallar verður tryggt meðan unnið er að und­ir­bún­ingi nýs flug­vallar í nágrenni borg­ar­innar,“ segir í sátt­mál­anum. „Aðal­skipu­lagi Vatns­mýrar verði breytt og lokun flug­vall­ar­ins seinkað þegar samn­ingar hafa náðst við ríkið um Borg­ar­línu sem styður við nauð­syn­lega upp­bygg­ingu á Ártúns­höfða, í Elliða­ár­vogi, á Keldum og í Keldna­holti.“

Tíðni stofnleiða Strætó aukin

Í sátt­mál­anum kemur fram að borgin skuli rekin með ábyrgum og sjálf­bærum hætti og skuldir verði greiddar niður meðan efna­hags­á­standið er gott. Fast­eigna­skattar á …