Þessi grein birtist upphaflega í Stundinni fyrir meira en 7 árum.

Íslendingur sagður hafa verið myrtur af tyrkneska hernum í Sýrlandi

Hauk­ur Hilm­ars­son, ís­lensk­ur aktív­isti sem hef­ur bar­ist fyr­ir rétt­ind­um hæl­is­leit­enda um ára­bil, er sagð­ur hafa ver­ið drep­inn af tyrk­nesk­um her­sveit­um í fe­brú­ar sam­kvæmt frétt­um er­lend­is frá.

Íslendingur sagður hafa verið myrtur af tyrkneska hernum í Sýrlandi
Haukur Hilmarsson Mynd sem birt var af skæruliðahópi Kúrda.

Haukur Hilmarsson, sem er þekkturfyrir aktívisma og réttindabaráttu á íslandi, er sagður hafa verið drepinn af tyrkneska hernum þann 24. febrúar síðastliðinn í aðgerðunum „Operation Olive Branch“ í norðurhluta Sýrlands.

Tilkynning um fráfall hans hefur verið birt á Facebook-síðu fréttamiðils tyrkneska kommúnistaflokksins og víðar.

Blaðamaður tyrkneska fjölmiðilsins Daily Sabah vakti athygli á málinu á Twitter. Haukur er sagður hafa verið meðlimur MLKP, Marx-Lenínísks kommúnistaflokks í Tyrklandi, og farið þaðan til liðs við YPG.

Tyrkneski herinn hóf umdeilda innreið í Afrin-svæðið sem stjórnað er af Kúrdum í lok janúar, en svæðinu stjórnar YPG, skæruliðahópur Kúrda sem er á meðal þeirra sveita sem hefur náð hvað mestum árangri í baráttunni gegn Íslamska ríkinu í Írak og Sýrlandi.

Athugun íslenska utanríkisráðuneytisins á afdrifum Hauks er enn yfirstandandi. Atburðarásin og yfirlýsing tyrknesku miðlanna hefur því ekki verið staðfest með sjálfstæðum hætti af íslenskum yfirvöldum.

Haukur vakti athygli í mótmælunum í kjölfar bankahrunsins 2008, meðal annars þegar hann flaggaði Bónusfána á þinghúsinu til að vekja athygli á samkrulli stjórnmála og viðskiptalífs.

Þegar hann var handtekinn tveimur vikum síðar safnaðist fjöldi fólks fyrir framan lögreglustöðina á Hverfisgötu og sýndi honum stuðning. Undanfarin ár hefur hann varið tíma í Grikklandi og aðstoðað flóttafólk sem hefur leitað til Evrópu frá Miðausturlöndum og Afríku. Haukur hefur einnig barist fyrir réttindum hælisleitenda á Íslandi. „Hann gerir í raun fátt annað en að hjálpa fólki og berjast fyrir réttindum þeirra sem standa höllum fæti. Í raun hefur líf hans fyrst og fremst snúist um þetta,“ segir áhyggjufullur vinur Hauks sem Stundin ræddi við.

Á meðal þeirra sem Haukur hefur hjálpað eru Paul Ramses og Rosemary Atieno sem búa í Hafnarfirði ásamt tveimur börnum sínum, þeim Fídel Smára og Rebekku Chelsea. Þegar til stóð að senda Ramses til Ítalíu árið 2008 án þess að umsókn hans um hæli hefði verið tekin til efnismeðferðar á Íslandi brutu þeir Haukur Hilmarsson og Jason Thomas Slade sér leið inn á Keflavíkurflugvöll og stöðvuðu tímabundið flugvélina sem átti að ferja Ramses. Málinu lyktaði þannig að dómsmálaráðuneytið dró brottvísun Ramses til baka og gerði honum kleift að koma aftur til landsins. „Þeir voru að berjast fyrir réttlæti og mér fannst þeir vera með ljónshjörtu, vegna þess að á þessum tíma virtist enginn nenna að hlusta. Þannig að ég hef alltaf verið þeim mjög þakklátur fyrir að hafa staðið fyrir það sem þeir töldu rétt,“ sagði Paul Ramses í viðtali við DV árið 2013 og bætti við að með þessu hefðu Haukur og Jason bjargað lífi hans, án þess þó að hafa nokkurn tímann þekkt hann. 

 

Kjósa
0
Hvernig finnst þér þessi grein? Skráðu þig inn til að kjósa.

Athugasemdir

Athugasemdir eru ekki leyfðar við þessa grein.
Tengdar greinar

Stríðið gegn ISIS

Sýrlensk börn reyna að koma í veg fyrir loftárásir með því að kveikja í dekkjum
FréttirStríðið gegn ISIS

Sýr­lensk börn reyna að koma í veg fyr­ir loft­árás­ir með því að kveikja í dekkj­um

Síð­an borg­ara­styrj­öld­in í Sýr­landi hófst ár­ið 2011 hafa allt að 470 þús­und manns lát­ið líf­ið og 4 millj­ón­ir flótta­manna hafa flú­ið stríðs­átök­in í land­inu. Loft­árás­ir hafa ver­ið dag­legt brauð und­an­far­in miss­eri fyr­ir marga íbúa lands­ins, en börn­in í borg­inni Al­eppo hafa nú tek­ið upp á því að brenna bíldekk til þess að koma í veg fyr­ir að sprengj­um sé sleppt á borg­ina.
Kemst ítrekað undan drónaárásum: Takið mig af „dauðalistanum“
Erlent

Kemst ít­rek­að und­an dróna­árás­um: Tak­ið mig af „dauðalist­an­um“

Pak­ist­ani sem starf­að hef­ur með frið­ar­sam­tök­um í heima­land­inu biðl­ar til banda­rískra og breskra yf­ir­valda um að taka hann af „dauðalist­an­um“. Seg­ist þeg­ar hafa kom­ist und­an fjór­um dróna­árás­um. Sak­laus­ir borg­ar­ar og börn eru oft­ar en ekki á með­al fórn­ar­lamba slíkra árása. Fyrr­ver­andi drón­a­stýri­menn gagn­rýna dróna­hern­að­inn og segja hann vatn á myllu öfga­manna.

Mest lesið

Mest lesið

Mest lesið í vikunni

Mest lesið í mánuðinum

Sælukot hagnast um tugi milljóna en starfsfólk og foreldrar lýsa skorti
4
Rannsókn

Sælu­kot hagn­ast um tugi millj­óna en starfs­fólk og for­eldr­ar lýsa skorti

Einka­rekni leik­skól­inn Sælu­kot, sem hef­ur feng­ið millj­arð króna í op­in­ber fram­lög síð­asta ára­tug, hef­ur hagn­ast vel og nýtt pen­ing­ana til að kaupa fast­eign­ir fyr­ir stjórn­ar­for­mann­inn. Stjórn­end­ur leik­skól­ans segja mark­mið­ið vera að ávaxta rekstr­araf­gang, en fyrr­ver­andi starfs­menn og for­eldr­ar nem­enda kvarta und­an langvar­andi skorti. Skól­an­um var ný­lega lok­að tíma­bund­ið vegna óþrifn­að­ar og mein­dýra.
Hollt mataræði lykilatriði að góðri heilsu
6
Fréttir

Hollt mataræði lyk­il­at­riði að góðri heilsu

Ax­el F. Sig­urðs­son, sér­fræð­ing­ur í hjarta­lækn­ing­um, hef­ur skoð­að tengsl fæðu og lífs­stíls við sjúk­dóma, einkum hjarta- og æða­sjúk­dóma. Tal­að hef­ur ver­ið um að lífs­stíls­sjúk­dóm­ar séu stærsta ógn­in við heilsu fólks og heil­brigðis­kerfi til næstu ára­tuga. Ax­el seg­ir að fólk geti breytt miklu með hollu mataræði og hreyf­ingu. Fé­lags­leg tengsl séu líka mik­il­væg. Hann ráð­legg­ur hreina fæðu til að sporna við kvill­um.

Mest lesið í mánuðinum

Nýtt efni

Mest lesið undanfarið ár