Þessi grein birtist upphaflega í Stundinni fyrir meira en 7 árum.

Ekki gefið upp hvort ráðherra hafði réttarstöðu rannsóknarþola

Þór­hild­ur Sunna Æv­ars­dótt­ir, þing­kona Pírata, setti fram al­var­leg­ar ásak­an­ir á hend­ur Bjarna Bene­dikts­syni fjár­mála­ráð­herra í Silfr­inu síð­ustu helgi. Skatt­rann­sókn­ar­stjóri tel­ur sér ekki heim­ilt að svara því hvort Bjarni hafi feng­ið rétt­ar­stöðu rann­sókn­ar­þola eft­ir kaup á gögn­um um af­l­ands­fé­lög Ís­lend­inga og upp­ljóstran­ir Pana­maskjal­anna.

Ekki gefið upp hvort ráðherra hafði réttarstöðu rannsóknarþola

Skattrannsóknarstjóri telur sér ekki heimilt að gefa upp hvort Bjarni Benediktsson fjármálaráðherra hafi fengið réttarstöðu rannsóknarþola hjá embættinu. 

Þórhildur Sunnasagði „rökstuddan grun“ um að ráðherra hefði framið skattalagabrot.

Þórhildur Sunna Ævarsdóttir, þingkona Pírata, hélt því fram í Silfrinu síðustu helgi að „rökstuddur grunur“ væri um að Bjarni hefði framið skattalagabrot. 

Í ljósi þessarar alvarlegu ásökunar beindi Stundin þeirri spurningu til Bryndísar Kristjánsdóttur skattrannsóknarstjóra hvort Bjarni hefði á einhverjum tímapunkti, meðan hann hefur gegnt embætti ráðherra, haft réttarstöðu rannsóknarþola hjá embættinu

„Ég get ekki tjáð mig um það hvort tilteknir aðilar séu eða hafi verið undir rannsókn eða ekki,“ segir í svari Bryndísar við tölvupósti Stundarinnar. Sjálfur hefur Bjarni Benediktsson ekki svarað fyrirspurn Stundarinnar um málið. 

Bryndís Kristjánsdóttirskattrannsóknarstjóri

Sem kunnugt er tók skattrannsóknarstjóri mál tuga Íslendinga til rannsóknar eftir að embættið keypti gögn um eignir Íslendinga á aflandssvæðum árið 2015 og fjallað var um Panamaskjölin í fjölmiðlum árið 2016.

Bjarni Benediktsson, faðir hans, Benedikt Sveinsson og félög tengd þeim komu fyrir í umræddum gögnum, en embætti skattrannsóknarstjóra heyrir undir fjármála- og efnahagsráðuneytið. 

Stundin vísaði sérstaklega til þess í tölvupóstssamskiptum við Bryndísi Kristjánsdóttur að þingmaður hefði sett fram alvarlegar ásakanir um að rökstuddur grunur væri um refsivert athæfi tiltekins einstaklings, fjármálaráðherra.

Bryndís segir að þrátt fyrir þetta geti hún ekki gefið upp hvort Bjarni hafi verið til rannsóknar. Vísar hún til þagnarskylduákvæðis 117. gr. laga um tekjuskatt í þessu samhengi. Þar segir að skattstjórum, umboðsmönnum skattstjóra, ríkisskattstjóra, skattrannsóknarstjóra ríkisins og yfirskattanefnd sé bannað, að viðlagðri ábyrgð eftir ákvæðum almennra hegningarlaga um brot í opinberu starfi, að skýra óviðkomandi frá því sem þeir komast að í sýslan sinni um tekjur og efnahag skattaðila. 

Skilyrði ráðuneytisins olli töfum

Árið 2016 rakti Stundin í ítarlegum fréttaskýringum hvernig skilyrði sem fjármálaráðuneytið setti skattrannsóknarstjóra til kaupa á gögnum um aflandsfélög Íslendinga urðu til þess að dráttur varð á kaupum gagnanna. Ekki liggur fyrir hvort eða hve mörg skattalagabrot fyrndust vegna þessa.

Bjarni Benediktsson var fjármálaráðherra á þessum tíma, en þegar hann fundaði með skattrannsóknarstjóra um kaup á gögnum um aflandseignir árið 2014 lá ekki fyrir að Bjarni hefði átt aflandsfélag á Seychelles-eyjum en gefið skattayfirvöldum þær röngu upplýsingar að félagið væri skráð í Lúxemborg, né var vitað að upplýsingar um félagið, Falson & Co, kæmu fyrir í gögnunum sem skattrannsóknarstjóra bauðst að kaupa. Þá hafði heldur ekki komið fram opinberlega að faðir ráðherra hefði átt félag á Tortólu og notfært sér þjónustu lögmannsstofunnar Mossack Fonseca og væri því einnig líklegur að koma fyrir í gögnunum. 

Þann 4. febrúar 2015 gagnrýndi Bjarni Benediktsson embætti skattrannsóknarstjóra harðlega og sagði að kaup á gögnum um aflandseignir Íslendinga hefðu „þvælst fyrir“ embættinu alltof lengi og að málið „strandaði svo sannarlega ekki á fjármálaráðuneytinu“. Skömmu síðar kom í ljós að á þeim tíma sem Bjarni lét þessi orð falla var skattrannsóknarstjóri í biðstöðu vegna skilyrða sem ráðuneyti Bjarna hafði sett embættinu og reyndist torvelt að uppfylla. Skattrannsóknarstjóri hafði þá nýverið sent ráðuneytinu bréf sem ekki hafði verið svarað. 

Gögn sem Stundin fékk aðgang að á grundvelli upplýsingalaga sýndu að skattrannsóknarstjóri hafði sent fjármálaráðuneytinu tölvupóst í desember 2014 þar sem fram kom að svo virtist sem fjölmiðlaumræða væri að fara af stað á þá lund að tafir á kaupum gagnanna væru embættinu að kenna. Með ummælum sínum nokkrum vikum síðar, þann 4. febrúar 2015, ýtti Bjarni undir að dregin væri upp slík villandi mynd af stöðu málsins. Í kjölfarið fann skattrannsóknarstjóri sig knúna til að leiðrétta orð hans. Haft var eftir henni í fréttum RÚV ða hún væri slegin yfir ummælum ráðherra.

Aðkoma ráðherra gagnrýnd

Eftir að samskipti ráðherra við skattrannsóknarstjóra höfðu vakið fjölmiðlaathygli fékk skattrannsóknarstjóri loks vilyrði fyrir því að kaupa gögnin. Kaupin gengu í gegn um sumarið, en þá var liðið um ár síðan embættinu var tjáð að gögnin stæðu til boða. 

Sérfræðingum í stjórnsýslurétti, sem Stundin ræddi við þegar fjallað var um málið, bar saman um að aðkoma fjármálaráðherra kynni að hafa verið á gráu svæði með tilliti til óskráðra meginreglna stjórnsýsluréttar um hæfi.

Þá vöknuðu fleiri og almennari spurningar vegna skilyrðanna sem fjármálaráðuneytið setti skattrannsóknarstjóra. Indriði H. Þorláksson, fyrrverandi ríkisskattstjóri, skrifaði um stöðu ráðuneytisins og skattyfirvalda í málinu þann 27. september 2014, löngu áður en upplýst var um aðkomu Bjarna og föður hans að viðskiptum í gegnum aflandsfélög, og lagði áherslu á að framkvæmd skattalaga yrði að vera óháð pólitísku valdi og afskipti ráðherra sem allra minnst. „Aðkoma fjármálaráðherra eða annarra pólitískra stjórnvalda að þessu máli á ekki að vera á neinum öðrum grundvelli en þeim að tryggja skattyfirvöldum nægilegt fé til að sinna verkefnum sem þeim er falið lögum samkvæmt,“ skrifaði Indriði. 

Í ljósi fullyrðinga Þórhildar Sunnu um að rökstuddur grunur sé um að Bjarni Benediktsson hafi framið skattalagabrot sendi Stundin honum fyrirspurn og spurði hvort hann hefði einhvern tímann á ráðherra- og þingmannsferli sínum haft réttarstöðu rannsóknarþola hjá embætti skattrannsóknarstjóra eða réttarstöðu grunaðs manns hjá ákæruvaldinu. Bjarni hefur ekki svarað fyrirspurninni, en hann svarar yfirleitt ekki fyrirspurnum Stundarinnar. 

Kjósa
0
Hvernig finnst þér þessi grein? Skráðu þig inn til að kjósa.

Athugasemdir

Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir.
Tengdar greinar

Stjórnmálamenn í skattaskjólum

Forsætisráðherra fór með rangt mál um efni skýrslunnar
Fréttir

For­sæt­is­ráð­herra fór með rangt mál um efni skýrsl­unn­ar

Bjarni Bene­dikts­son full­yrð­ir að það sé „ekk­ert sér­stakt sem skýrsl­an bend­ir á að stjórn­völd hafi lát­ið und­ir höf­uð leggj­ast að gera“. Hið rétta er að starfs­hóp­ur­inn gagn­rýn­ir sér­stak­lega hve seint CFC-regl­ur voru lög­fest­ar á Ís­landi og tel­ur að „stjórn­völd hafi að þessu leyti byrgt brunn­inn þeg­ar barn­ið var dott­ið of­an í“.

Mest lesið

Segja svör Íslands hvorki viðunandi né í samræmi við raunveruleikann
6
Fréttir

Segja svör Ís­lands hvorki við­un­andi né í sam­ræmi við raun­veru­leik­ann

Hvít­þvott­ur, inni­halds­leysi og óvið­un­andi svör sem eru ekki í tengsl­um við raun­veru­leik­ann eru með­al þeirra orða sem Geð­hjálp not­uðu til að lýsa svör­um Ís­lands um geð­heil­brigð­is­mál í sam­ráðs­gátt. Inn­an stjórn­kerf­is­ins er unn­ið að drög­um að mið­ann­ar­skýrslu Ís­lands vegna alls­herj­ar­út­tekt­ar Sam­ein­uðu þjóð­anna á stöðu mann­rétt­inda­mála.

Mest lesið

Mest lesið í vikunni

„Á ekki möguleika á að fá réttláta málsmeðferð“
2
Fréttir

„Á ekki mögu­leika á að fá rétt­láta máls­með­ferð“

Nauðg­un­ar­kær­an var felld nið­ur, en um­boðs­mað­ur Al­þing­is tek­ur und­ir að­finnsl­ur við rann­sókn lög­reglu, varð­andi at­riði sem hefðu getað skipt máli við sönn­un­ar­mat. Eft­ir at­hug­un á máli Guðnýj­ar S. Bjarna­dótt­ur sendi um­boðs­mað­ur Al­þing­is einnig rík­is­sak­sókn­ara ábend­ingu varð­andi varð­veislu gagna í saka­mál­um og árétt­aði mik­il­vægi þess að ákær­andi hafi öll gögn und­ir hönd­um þeg­ar hann tek­ur af­stöðu.

Mest lesið í mánuðinum

Forsprakki útifundar játaði fjárdrátt á leikskólanum Klettaborg
1
Fréttir

Forsprakki úti­fund­ar ját­aði fjár­drátt á leik­skól­an­um Kletta­borg

Sig­fús Að­al­steins­son, stofn­andi hóps­ins Ís­land - þvert á flokka, sem stend­ur fyr­ir úti­fund­um um hæl­is­leit­end­ur, ját­aði á sig fjár­drátt frá leik­skól­an­um Kletta­borg þeg­ar hann var for­stöðu­mað­ur þar. Hann vill ekki dæma hvort brot af því tagi séu nógu al­var­leg til að inn­flytj­end­ur sem gerð­ust sek­ir um þau ætti að senda úr landi.
Drengir kvörtuðu undan kennara og var meinað að sitja kennslustundir
5
Úttekt

Dreng­ir kvört­uðu und­an kenn­ara og var mein­að að sitja kennslu­stund­ir

Tólf ára gaml­ir dreng­ir leit­uðu til skóla­stjóra vegna meints of­beld­is af hálfu kenn­ara. Í kjöl­far­ið var þeim mein­að að sitja kennslu­stund­ir hjá kenn­ar­an­um. Ann­ar baðst af­sök­un­ar eft­ir tvær vik­ur og fékk þá að koma aft­ur í tíma. Hinn sætti út­skúf­un í tvo mán­uði, áð­ur en skól­an­um var gert að taka dreng­inn aft­ur inn í tíma. For­eldr­ar drengs­ins segja kerf­ið hafa brugð­ist barn­inu og leit­uðu að lok­um til lög­reglu.

Mest lesið í mánuðinum

Nýtt efni

Mest lesið undanfarið ár