Íslenska ríkið gerir 25 ára leigu­samn­ing undir höf­uð­stöðvar Haf­rann­sókna­stofn­unar við eign­ar­halds­fé­lagið Fornu­búðir ehf. sem að hluta til er í eigu Jóns Rúnars Hall­dórs­sonar, fjár­festis og for­manns knatt­spyrnu­fé­lags FH, en hann átti félag sem fram kom í Panama­skjöl­unum svoköll­uðu.

Jón Rúnar Hall­dórs­son átti Tortóla­fé­lagið Suther­land Consultancies sem stofnað var árið 2007 eftir að Jón Rúnar seldi inn­flutn­ings­fyr­ir­tækið Saltkaup ehf. til nýs eig­anda fyrir tæp­lega 860 millj­ónir króna – Jón Rúnar átti 60 pró­sent í fyr­ir­tæk­inu. Miðað við sölu­verðið og hlut­deild Jóns Rúnars ætti hlutur hans að hafa verið rúm­lega hálfur millj­arður króna vegna við­skipt­anna með Saltkaup. Jón Rúnar fékk pró­kúru­um­boð yfir Suther­land Consultancy frá pana­ma­ískum stjórn­ar­mönnum fyr­ir­tæk­is­ins í októ­ber árið 2007.

Frétta­tím­inn greindi frá því í maí árið 2016 að skatta­yf­ir­völd hefðu félag Jóns Rúnars til rann­sóknar í kjöl­far Panama­lek­ans. 

Jón Rúnar hefur einnig flokkspóli­tískar teng­ingar, en hann tók meðal ann­ars þátt í próf­kjöri Sjálf­stæð­is­flokks­ins í Suð­vest­ur­kjör­dæmi fyrir alþing­is­kosn­ing­arnar árið 2009 …