Kvenkyns Píratar sækjast eftir forystu í sveitastjórnarkosningum

Hópur kvenna innan Pírata hefur sent frá sér yfir­lýs­ingu þar sem þær bjóða sig fram til þess að leiða lista flokks­ins kom­andi sveit­ar­stjórn­ar­kosn­ingum, sem jafn­rétt­isvænan val­kost. Óska þær eftir stuðn­ingi flokks­manna til þess.

Þórlaug Ágúst­dóttir er ein þeirra sem þar stígur fram. Hún hefur áður til­kynnt að hún sæk­ist eftir odd­vita­sæt­inu í borg­inni, eftir að Halldór Auðar Svansson ákvað að stíga til hliðar í vor. Í sam­tali við Stundina segir hún yfir­lýs­ing­una ákall um breyt­ingar. „Það þarf ekki alltaf karl í fyrsta sæti,“ segir hún. Eins og staðan sé núna sé algeng­ara en ekki að karl sé í for­ystu­sæti og kona í öðru sæti. „Eins og það sé eitt­hvað nátt­úru­lög­mál að það sé alltaf til örlítið hæf­ari karl­maður en hæf­asta konan. Við viljum meina að þetta sé ekki nátt­úru­lög­mál. Það séu fullt af kven­kyns Pírötum sem geta leitt listana. Konur sem þekkja flokk­inn inn og út, hafa starfað fyrir …