Allir þing­menn Sjálf­stæð­is­flokks­ins sem við­staddir voru þing­fund í nótt greiddu atkvæði gegn frum­varp­inu til breyt­inga á útlend­inga­lögum.

Frum­varpið felur í sér rétt­ar­bót fyrir barna­fjöl­skyldur sem sótt hafa um alþjóð­lega vernd á Íslandi og gæti haft áhrif á afdrif meira en 80 barna.

Í hópi þeirra eru hæl­is­leit­endur sem hafa verið til umfjöll­unar í fjöl­miðlum, svo sem stúlk­urnar Hanyie og Mary og fjöl­skyldan frá Ghana sem fjallað var um fyrr í vik­unni.

Byggja á sjónarmiðum lögreglunnar

Full­trúar Sjálf­stæð­is­flokks­ins í alls­herjar- og mennta­mála­nefnd telja að nýju lögin geti „aukið hættu á man­sali eða smygli á börnum“.

Þá séu þau ekki til þess fallin að auka trú­verð­ug­leika stofn­ana á borð við Útlend­inga­stofnun. Með lög­unum sé Alþingi að taka „fram fyrir hend­urnar á stjórn­sýsl­unni í ein­stökum málum“. 

Mynd: xd.is

Þetta kemur fram í nefnd­ar­á­liti minni­hlut­ans, þeirra Áslaugar Örnu Sig­ur­björns­dóttur, Val­gerðar Gunn­ars­dóttur og Vil­hjálms Árna­sonar en það er að miklu leyti byggt á þeim sjón­ar­miðum sem full­trúar lög­regl­unnar létu í ljós á fundi alls­herjar- og mennta­mála­nefndar, ann­ars vegar Jón F. Bjartmarz og Gylfi Gylfason frá rík­is­lög­reglu­stjóra og hins vegar Alda Hrönn Jóhanns­dóttir frá lög­regl­unni á Suð­ur­nesjum. 

„... skipu­lögð glæp­a­starf­semi sem gerir
út á smygl á fólki víli ekki fyrir sér að
kynda undir þá túlkun“

„Bent var á að þrátt fyrir að um skýrt afmark­aða aft­ur­virka breyt­ingu sé að ræða sé erfitt að sporna við því að flökku­sögur fari á kreik um að auð­veld­ara sé að fá hæli hér á landi en áður og að skipu­lögð glæp­a­starf­semi sem gerir út á smygl á fólki víli ekki fyrir sér að kynda undir þá túlkun,“ segir í nefnd­ar­á­lit­inu.

Engin áætlun gegn mansali komin fram

Sigríður Andersen dóms­mála­ráð­herra hefur látið sams konar sjón­ar­mið í ljós. „Ef þetta er sam­þykkt og það spyrst út að hér sé lög­gjöf sem sé sér­sam­in fyr­ir fólk með börn þá hafa vaknað spurn­ing­ar hjá mér og fleiri fag­að­ilum um hvort það skapi raun­veru­lega hættu á man­sali. Að hingað komi fólk með börn og fái sér­með­ferð,“ sagði hún í við­tali við Morg­un­blaðið í gær.

Andrés Ingi Jónsson, þing­maður Vinstri grænna, bregst við orðum ráð­herra í Facebook-færslu og skrifar:

Ég hef ítrekað spurt Sigríði Andersen um mansals­mál. Aðgerða­á­ætlun stjórn­valda gegn man­sali rann út um síð­ustu ára­mót. Skv. svari Sigríðar stóð til að hefja end­ur­skoðun áætl­un­ar­innar á miðju þessu ári. Nú er að líða níundi mán­uð­ur­inn þar sem engin áætlun er í gildi. Fjár­laga­frum­varp fyrir næsta ár nefnir man­sal ekki á nafn. Engin fjár­veit­ing til að berj­ast gegn því. Núll krónur. Þá ger­ist það loks­ins núna, þegar Sigríður vill halda land­inu lok­uðu fyrir flótta­fólki, að bar­áttan gegn man­sali kemst efst á for­gangs­list­ann hjá henni. Sýnir þetta póli­tíska for­gangs­röðun í þágu bar­átt­unnar gegn man­sali, eða eitt­hvað annað?

Krist­jana Fenger, sem starfað hefur sem lög­fræð­ingur hjá Rauða kross­inum, tekur í sama streng á Twitter. „Áhuga­vert að ráð­herra sem setur 0 kr. í bar­átt­unni gegn man­sali á fjár­lög og hefur ekki gert nýja aðgerð­ar­á­ætlun í að verða ár hafi skyndi­lega áhuga og áhyggjur af mögu­legu man­sali sem fylgi­fiski nýrra laga,“ skrifar hún.

Frumvarpið samþykkt í nótt

Laga­breyt­ing­arnar sem sam­þykktar voru í nótt taka til barna sem sótt hafa um alþjóð­lega vernd hér­lendis fyrir gild­is­töku lag­anna og ekki yfir­gefið landið. Frum­varpið felur í sér tvær meg­in­breyt­ingar. Annars vegar þurfa nú aðeins að líða 9 mán­uðir frá því að umsókn barns um alþjóð­lega vernd berst, í stað 12 mán­aða, til að stjórn­völdum beri að taka umsókn­ina til efn­is­með­ferðar.

Jafn­framt er stjórn­völdum nú heim­ilt að veita barni dval­ar­leyfi á grund­velli mann­úð­ar­sjón­ar­miða ef það hefur ekki fengið nið­ur­stöðu í máli sínu á stjórn­sýslu­stigi innan 15 mán­aða, en áður hefur verið miðað við 18 mán­uði í þessum efnum. „Jafn­framt væri þá almennt eðli­legt að veita for­eldrum sem fara með for­sjá barns­ins, og eftir atvikum systk­inum, dval­ar­leyfi á grund­velli 1. mgr. 74. gr. lag­anna til að tryggja ein­ingu fjöl­skyld­unnar, að upp­fylltum öðrum skil­yrðum,“ segir í grein­ar­gerð frum­varps­ins.  

Greidd voru atkvæði um frum­varpið eftir þriðju umræðu rétt fyrir klukkan eitt í nótt. Þingmenn allra flokka nema Sjálf­stæð­is­flokks­ins studdu frum­varpið. Sautján þing­menn Sjálf­stæð­is­flokks­ins greiddu atkvæði gegn því, þau Áslaug Arna Sig­ur­björns­dóttir, Ásmundur Frið­riks­son, Birgir Ármanns­son, Bjarni Bene­dikts­son, Haraldur Bene­dikts­son, Hildur Sverr­is­dóttir, Jón Gunn­ars­son, Njáll Trausti Frið­berts­son, Óli Björn Kárason, Páll Magn­ús­son, Sigríður Á. Andersen, Teitur Björn Ein­ars­son, Unnur Brá Kon­ráðs­dóttir, Val­gerður Gunn­ars­dóttir, Vil­hjálmur Árnason, Vil­hjálmur Bjarna­son og Þórdís Kolbrún R. Gylfa­dóttir.