Þessi grein birtist fyrir rúmlega 8 mánuðum.

„Þetta var ég. Ég er ekki með typpi, ég var ekki nakin og ég er ekki karlmaður“

Veiga Grét­ars­dótt­ir er trans kon­an sem fór í sund í Grafar­vogs­laug í síð­ustu viku og nýtti sér kvenna­klef­ann á sama tíma og stúlk­ur í skóla­sundi. Nokkr­ar stúlkn­anna hlógu að henni og leið Veigu eins og hún væri sirk­us­dýr. Hún ákvað að gera at­huga­semd við kenn­ara þeirra og hélt að þar með væri mál­ið úr sög­unni en há­vær orð­róm­ur, byggð­ur á lyg­um, fór af stað.

„Þetta var ég. Ég er ekki með typpi, ég var ekki nakin og ég er ekki karlmaður“
Veiga Grétarsdóttir varð fyrir því að stúlkur í skólasundi horfðu glottandi á hana og hlógu að henni í sturtuklefanum. Mynd: Heiða Helgadóttir

„Ég ákvað að koma fram undir nafni og mynd og segja hvernig þetta var,“ segir Veiga Grétarsdóttir Sulebust sem vill leiðrétta lygasögu sem hefur verið í umræðunni undanfarna daga. Sagan snýst um að karlmaður með typpi hafi farið í kvennaklefann í Grafarvogslaug á dögunum, undir því yfirskini að hann skilgreindi sig sem konu, og stúlkum í skólasundi hafi verið brugðið. En það er ekki alveg það sem gerðist. „Þetta er uppspuni, lygi. Þetta er byggt á hatri, engu öðru,“ segir Veiga sem segir hér frá því sem átti sér stað á þriðjudaginn í síðustu viku. 

Veiga er ein þekktasta trans kona landsins. Hún varð þjóðþekkt eftir um hana var gerð heimildamynd þegar hún réri á kajak rangsælis um Ísland - „Á móti straumnum“ - en samtímis var sagt frá kynleiðréttingarferlinu sem hún fór í 2015-16. Hún hefur einnig vakið athygli fyrir baráttu sína gegn sjókvíaeldi og fyrir umhverfisvernd. 

Þær eru margar, rangfærslurnar í orðrómnum, og vill Veiga koma nokkrum atriðum á hreint: „Þetta var ég. Ég er ekki með typpi, ég var ekki nakin og ég er ekki karlmaður.“

Fastagestur í Grafarvogslaug

Hún segist hafa stundað Grafarvogslaug árum saman. „Stundum er ég í pottinum að tala við karlmenn um laxeldi og pólitík. Yfirleitt fer ég snemma á morgnana og við erum þá saman ákveðinn konuhópur, konur á mínum aldri, um fertugt og líklega upp í 75 ára. Ég hef aldrei lent í vandræðum í sundi. Ég er bara hluti af þessum hópi. Við förum saman í pottinn og hjálpum hver annarri að laga sundbolinn á bakinu,“ segir hún. 

En síðasti þriðjudagur var öðruvísi. Þegar hún fór upp úr pottinum og í sturtuklefann voru þar stelpur á leið í skólasund. „Sem hefur oft gerst áður og aldrei verið vandamál.“ Þarna tók hún eftir því að ein stelpan horfði mikið á hana „og glotti. Hún fattaði greinilega hver ég er. Ég hef verið áberandi í fjölmiðlum á undanförnum árum,“ segir hún. Stelpuhópurinn hafi síðan farið í laugina. 

Veiga er mikil sundkona, nýtur þess að fara í heitar laugar um allt land og hefur stundað Grafarvogslaug í sjö ár.
„Mér leið eins og ég væri sirkusdýr“

„Stuttu seinna kom hún aftur með vinkonu sína. Þær löbbuðu í gegn um sturturnar, hún glotti aftur en vinkonan var leitandi, horfði á alla í kring um sig. Þær töluðu eitthvað saman við handklæðarekkann og gengu síðan aftur framhjá mér en þá horfðu þær báðar á mig og glottu. Þær fóru aftur út en komu síðan aftur, fjórar eða fimm saman, og bæði glottu og hlógu að mér.“ Veiga segir það hafa verið afar óþægilegt að upplifa þetta: „Mér leið eins og ég væri sirkusdýr.“

Fullorðnar konur horfa líka

Veiga segist á þessum tímapunkti enn hafa verið í sundbolnum. „Ég sá hvað var í uppsiglingu og vissi ekki hversu alvarlegt þetta yrði þannig að ég ákvað að vera í sundbolnum til að leyfa þeim ekki að horfa meira á mig. Þær fóru svo aftur í laugina og ég þvæ mér og þurrka.“

Hún segist því miður vera vön augngotum í sturtuklefanum, þó hún líti út alveg eins og hinar konurnar, líklega því fólk þekki hana og viti því að hún sé trans kona. „Fullorðnar konur horfa oft á mig í sturtunni. Þær eru almennilegar og kurteisar en ég tek eftir því að þær gjóa augunum á klofið á mér. Líklega er þetta bara saklaus forvitni, þarna er komin trans manneskja sem var með typpi en er komin með píku. Ég hugsa að ef ég væri í þeirra sporum þá væri ég líka pínu forvitin. En þær sjá að þetta lítur ekkert öðruvísi út en hjá þeim. Ég reyni að taka þetta ekki inn á mig en auðvitað gerir maður það,“ segir hún. 

Veiga var mjög hugsi eftir atvikið í sturtuklefanum á þriðjudag, og ákvað að tala við starfsfólk sundlaugarinnar og fá leyfi til að tala við sundkennara stelpnanna. „Ég sagði frá því sem hafði gerst og að mér fyndist þetta óviðeigandi hegðun. Hvort sem fólk er trans eða með stóma þá á ekki að vera labba framhjá því trekk í trekk og hlæja að því. Síðan fór ég bara heim og hélt að málinu væri lokið.“ En það var öðru nær. 

Veiga tók sig vel út sem fjallkonan á Ísafirði árið 2021.

Grein eftir grein með rangfærslum

Á sunnudag rakst hún á Facebookfærslu þar sem fullyrt var að karlmaður hafi farið í kvennaklefann í sundlauginni undir því yfirskini að hann skilgreindi sig sem konu, og þar misboðið sómakennd stúlkna í skólasundi. Í kommentum sá hún talað um að búið væri að gera frétt um málið. „Ég fór þá að leita. Það fyrsta sem mér datt í hug var að þetta hefði birst á Fréttin.is því enginn annar myndi skrifa svona, og þar sá ég þetta,“ en um er að ræða síðu sem Margrét Friðriksdóttir heldur úti.

Í greininni þar segir síðan að „samkvæmt reglum mannréttindarráðs, geta nú hverjir þeir sem skilgreina sig af öðru kyni þrátt fyrir að hafa ekki undirgengist neinar slíkar aðgerðir, notað klefa þess kyns sem það skilgreinir sig.“

Eva Hauksdóttir lögmaður skrifar síðan eina mest lesnu aðsendu greinina sem birtist á Vísir.is í gær þar sem hún gerir umfjöllunina á Fréttin.is að umtalsefni en Eva leggur þar út af því sem staðreynd væri að karlmaður hafi farið í kvennaklefann í sundlauginni, og það sé heimilt vegna laga um kynrænt sjálfræði. 

Ýtt undir ranghugmyndir

Í sömu grein á Fréttin.is er síðan sagt frá því að þau hafi fjallað um það í sumar að nafngreind trans kona sæti sakamálarannsókn hjá lögreglu vegna misnotkunar og kynferðislegs áreitis í garð stúlkna og þroskaskertra kvenna.

Veigu misbýður ekki síst hvernig þetta allsendis ótengda efni, sem fjallar um allt aðra manneskju, er fléttað inn í umfjöllunina. „Það sem stuðar mig er þessi orðræða um að trans konur séu upp til hópa kynferðisbrotamenn og barnaníðingar. Þarna er verið að ýta undir slíkar hugmyndir,“ segir hún. Rangfærslur af þessum toga er hluti af því bakslagi sem nú á sér stað víða um heim þegar kemur að réttindabaráttu hinsegin fólks, ekki síst trans fólks.

„Þetta eru lygasögur“

Henni er mikið í mun að koma því á framfæri að þessi umfjöllun sé ekki byggð á staðreyndum. „Þetta eru lygasögur. Ég viðurkenni að ég talaði við kennarann en það var því stelpurnar voru að stara á mig og komu endurtekið inn í klefann til að hlæja að mér. Það er eitthvað sem ég sætti mig ekki við. Ég vil ekki láta koma svona fram við mig.“

Veiga segist hafa rætt þessa falsfrétt við vinkonu sína. „Ég spurði hana hvernig þetta væri ef ég væri ekki trans og við þekktum ekkert trans fólk, og við sæjum svona frétt. Ætli maður færi í sama pakka?“ spyr hún og leggur áherslu á hversu mikilvægt er að vera vakandi fyrir því að trúa ekki öllu sem maður les.

Kjósa
177
Hvernig finnst þér þessi grein? Skráðu þig inn til að kjósa.

Athugasemdir (15)

Skráðu þig inn til að skrifa athugasemd eða kjósa.
  • ÞTÞ
    Þóroddur Tryggvi Þórhallsson skrifaði
    "Karlmaður með tippi". Þarf að taka það fram að karlmaður sé með tippi ?
    0
  • ÞTÞ
    Þóroddur Tryggvi Þórhallsson skrifaði
    Segjum við ekki "kvennahópur" ?
    0
  • Thordis Malmquist skrifaði
    Æ hvað þetta er sorglegt, jafnvel þó maður sé ekki sammála þessum breytingum sem nú eiga sér stað og breyttar reglur, þá á að koma fram við alla af virðingu og vinsemd. Takk.
    2
  • Vordís Baldursdóttir skrifaði
    Vel gert Veiga að koma fram og leiðrétta þessar rangfærslur sem hafa verið í gangi, áfram þú <3
    7
  • Guðjón Jensson skrifaði
    Við erum auðvitað það sem við erum. Sum okkar hafa ljóst hár, aðrir dökkt hár og allt þar á milli, jafnvel sum okkar hafa lítið og kannski ekkert hár. Við eigum að sýna öllum öðrum tilhlýðilega virðingu án þess hve útlit okkar er, trúarbrögðin eru, skoðanir, kynhneygð, matarást og hvað sem er. Öll höfum við okkar tilfinningar, hvatir og væntingar til lífsins. Meðan við truflum ekki aðra þá ættum við að njóta þess að vera í friði fyrir ómerkilegum athugasemdum.
    6
  • Sigmundur Guðmundsson skrifaði
    Lygavefurinn Fréttin.is er hreinn viðbjóður.

    Það er nú samt fyndið að stofnandinn þykist vera sannkristin :-) :-) :-)
    7
  • Kristín Guðnadóttir skrifaði
    Takk Veiga. Það er varla hægt að undirstrika nóg hversu mikilvægt er að leiðrétta rangfærslur og lygar af þessum toga. Margt fólk uggir ekki að sér andspænis óheilindum, lygum og áróðri í skrifum - nú getur hver sem er kallað hvað sem er (nánast) fjölmiðil, hversu andstæð sem skrifin eru blaðamennsku og ábyrgri fjölmiðlun.
    11
  • ESG
    Erna Sigurveig Guðmundsdóttir skrifaði
    Gott hjá þér Veiga
    11
  • Sandra Brink skrifaði
    Af hverju ertu þarna á skolasundstima ef þú þolir ekki flissandi smástelpur?
    -85
    • Vilborg Norðdahl skrifaði
      Kannski af sömu ástæðu og þú ef þú færir á þessum tíma í sund. Það er, þú hefur tíma akkúrat þarna, þig langar í sund eða bara hvern andsk. kemur þér það við.
      10
  • SBV
    Stefán B Veturliðason skrifaði
    Vel gert hjá Veigu að koma fram og leiðrétta. Flest fólk er gott fólk og trúir ekki öllu sem það les gagnrýnislaust.
    36
  • Þórhallur Þorsteinsson skrifaði
    Góð grein
    24
  • Elín Kona Eddudóttir skrifaði
    Takk fyrir einlægt og gott viðtal 🏳️‍⚧️
    27
  • Hrefna Reynisdottir skrifaði
    Vel gert Veiga 👏
    26
  • Pálína Þórarinsdóttir skrifaði
    Takk fyrir að stíga fram og segja þína upplifun af þessu. Við erum berskjölduð í sundklefanum og mjög óþægilegt að verða fyrir svona áreiti.
    34
Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir. Hægt er að láta vita af athugasemdum með því að smella á Tilkynna.
Tengdar greinar

Hinsegin bakslagið

Varð fyrir líkamsmeiðingum „en útilokunin var verst“
ViðtalHinsegin bakslagið

Varð fyr­ir lík­ams­meið­ing­um „en úti­lok­un­in var verst“

Anna Kristjáns­dótt­ir seg­ir að úti­lok­un frá fé­lags­leg­um sam­skipt­um hafi vald­ið henni mestu van­líð­an­inni eft­ir að hún kom fram op­in­ber­lega sem trans kona fyr­ir þrjá­tíu ár­um. Hún var líka beitt lík­am­legu of­beldi. „Einu sinni var keyrt vilj­andi yf­ir tærn­ar á mér, fólk hrinti mér og það var hellt úr glös­um yf­ir höf­uð­ið á mér á skemmti­stöð­um.“
„Ég er hrætt við að fólk finni mig í fjöru“
ViðtalHinsegin bakslagið

„Ég er hrætt við að fólk finni mig í fjöru“

„Sjá þau ekki að heim­ur­inn minn er að hrynja?“ hef­ur Mars M. Proppé spurt sig síð­ast­liðna viku, á með­an hán kenn­ir busa­bekk stærð­fræði í Mennta­skól­an­um í Reykja­vík, spjall­ar við koll­ega sína á kaffi­stof­unni og mæt­ir á fyr­ir­lestra í Há­skóla Ís­lands. Það fylg­ir því óraun­veru­leika­til­finn­ing að sinna venju­legu lífi á sama tíma og sam­fé­lags­miðl­ar loga í deil­um um hinseg­in fræðslu og kyn­fræðslu í skól­um. Deil­um sem hafa far­ið að bein­ast að fólki eins og Mars.

Mest lesið

Öryggisverðir gæta Bjarna – „Nokkuð góðir í að vera ósýnilegir“
2
Fréttir

Ör­ygg­is­verð­ir gæta Bjarna – „Nokk­uð góð­ir í að vera ósýni­leg­ir“

Bjarni Bene­dikts­son for­sæt­is­ráð­herra vill ekki kalla þá líf­verði, ör­ygg­is­verð­ina sem fylgja hon­um hvert fót­mál. „Þeir eru nokk­uð góð­ir í að vera ósýni­leg­ir þannig að ég geti sinnt mín­um störf­um,“ seg­ir hann. Áhættumat vegna ör­ygg­is ráð­herra rík­is­stjórn­ar Ís­lands er í sí­felldri end­ur­skoð­un, sam­kvæmt embætti rík­is­lög­reglu­stjóra.
„Ótrúlega falleg framtíðarsýn“ að hlaupa með pabba sínum á níræðisaldri
3
ViðtalHlaupablaðið 2024

„Ótrú­lega fal­leg fram­tíð­ar­sýn“ að hlaupa með pabba sín­um á ní­ræðis­aldri

Rann­veig Haf­berg hélt að hún gæti aldrei byrj­að að hlaupa. Hún létt­ist um 38 kíló á einu og hálfu ári með breyttu mataræði og hleyp­ur vænt­an­lega sitt tí­unda of­ur­m­ara­þon á Lauga­veg­in­um í sum­ar. Ey­steinn Haf­berg, fað­ir henn­ar, byrj­aði að hlaupa um sjö­tugt eft­ir hjarta­áfall. Hann er orð­inn fræg fyr­ir­mynd í ís­lenska hlaupa­heim­in­um. Móð­ir henn­ar er líka byrj­uð að hlaupa. Og barna­börn­in.
Eigi að læra íslensku áður en fjölskyldan kemur
5
FréttirFlóttamenn

Eigi að læra ís­lensku áð­ur en fjöl­skyld­an kem­ur

Meiri­hluti alls­herj­ar- og mennta­mála­nefnd­ar tel­ur efni til að víkka að­eins skil­yrði til fjöl­skyldusam­ein­ing­ar í um­deildu út­lend­inga­frum­varpi. Skil­yrði til und­an­þágu eru þó frem­ur ströng: Flótta­mað­ur­inn sem sæk­ir um fjöl­skyldusam­ein­ingu gæti feng­ið und­an­þágu ef hann hef­ur á einu ári lært ís­lensku, ver­ið virk­ur á vinnu­mark­aði í átta mán­uði, hef­ur til­tækt íbúð­ar­hús­næði fyr­ir fjöl­skyld­una og get­ur fram­fleytt sér.
Þórður Snær Júlíusson
6
Leiðari

Þórður Snær Júlíusson

Er það að gefa að minnsta kosti hálf­an millj­arð góð með­ferð op­in­bers fjár?

Fyrr­ver­andi rík­is­lög­reglu­stjóri með sterk flokk­spóli­tísk tengsl tók ákvörð­un um að gera vel við nána sam­starfs­menn sína rétt áð­ur en þeir fóru á eft­ir­laun og rétt áð­ur en hann þurfti að semja um starfs­lok. Kostn­að­ur­inn við þessa ákvörð­un er að minnsta kosti rúm­lega 500 millj­ón­ir króna og skatt­greið­end­ur bera hann. Tveir nú­ver­andi ráð­herr­ar voru kolrang­stæð­ir í yf­ir­lýs­ing­um sín­um um mál­ið að mati Hæsta­rétt­ar og nú­ver­andi dóms­mála­ráð­herra get­ur ekki feng­ið sig til að biðja um rann­sókn á því.
Bjarni segir þetta ár það sterkasta í íslenskri efnahagssögu
9
Fréttir

Bjarni seg­ir þetta ár það sterk­asta í ís­lenskri efna­hags­sögu

„Þetta er sterk­asta ár Ís­lands í efna­hags­sög­unni,“ full­yrti Bjarni Bene­dikts­son, fyrr­ver­andi fjár­mála­ráð­herra og nú­ver­andi for­sæt­is­ráð­herra, á Al­þingi. Þor­gerð­ur Katrín Gunn­ars­dótt­ir, formað­ur Við­reisn­ar, bað ráð­herra að „girða sig í brók“, skoða stóru mynd­ina og taka ut­an um alla hópa, ekki bara sína eig­in.

Mest lesið

Mest lesið í vikunni

Fékk ekki að segja bless við eiginmann sinn
1
Fréttir

Fékk ekki að segja bless við eig­in­mann sinn

Sara Sig­ur­björg Guð­munds­dótt­ir, eig­in­kona Precious Fel­ix Tani­mola sem var send­ur úr landi til Níg­er­íu í nótt, seg­ist ekki hafa feng­ið að kveðja hann: „Sím­inn var tek­inn af hon­um og ég fékk ekki að segja bless.“ Precious flúði til Ís­lands frá Úkraínu vegna stríðs­ins. Hon­um hafði ári áð­ur ver­ið boð­ið að spila þar fót­bolta með úkraínsku fé­lagsliði.
Samsæriskenningar um forsetaframbjóðendur
5
FréttirForsetakosningar 2024

Sam­særis­kenn­ing­ar um for­setafram­bjóð­end­ur

Sam­særis­kenn­ing­ar um fram­bjóð­end­ur til for­seta Ís­lands hafa lát­ið á sér kræla, sér­stak­lega hvað varð­ar tengsl við Al­þjóða­efna­hags­ráð­ið og meint­ar fyr­ir­ætlan­ir þess um heims­yf­ir­ráð. Stjórn­mála­sál­fræð­ing­ur seg­ir kenn­ing­arn­ar ekki eiga við rök að styðj­ast þótt vissu­lega sitji valda­mik­ið fólk í ráð­inu.
Skuldir á hvern íbúa í Garðabæ og Hafnarfirði nálgast tvær milljónir króna
7
Greining

Skuld­ir á hvern íbúa í Garða­bæ og Hafnar­firði nálg­ast tvær millj­ón­ir króna

Mik­ið er skegg­rætt um fjár­hags­stöðu sveit­ar­fé­laga á höf­uð­borg­ar­svæð­inu. Þeg­ar horft er á skulda­stöðu þess hluta rekst­urs þeirra sem er fjár­magn­að­ur með skatt­tekj­um er stað­an skást í Kópa­vogi og Reykja­vík en versn­ar hrað­ast í Garða­bæ og á Seltjarn­ar­nesi, þar sem veltu­fé frá rekstri var nei­kvætt í fyrra. Hafn­ar­fjörð­ur er eina sveit­ar­fé­lag­ið á höf­uð­borg­ar­svæð­inu sem var með veltu­fjár­hlut­fall, sem seg­ir til um getu sveit­ar­fé­lags til að borga skuld­ir sín­ar, um­fram það sem æski­legt er. Heim­ild­in rýndi í árs­reikn­inga sveit­ar­fé­lag­anna.
Hvað gerist í huganum þegar við hreyfum okkur?
10
ViðtalHlaupablaðið 2024

Hvað ger­ist í hug­an­um þeg­ar við hreyf­um okk­ur?

„Mögn­uð“ breyt­ing verð­ur á hug­an­um þeg­ar við hreyf­um okk­ur. Hreyf­ing virk­ar eins og þung­lynd­is­lyf á þau sem glíma við vægt eða miðl­ungs þung­lyndi. Endorfín, sem fást við hlaup, hafa áhrif á túlk­un til­finn­inga, deyfa sárs­auka og valda sælu­til­finn­ingu. Steinn B. Gunn­ars­son íþrótta- og lýð­heilsu­fræð­ing­ur veit­ir inn­sýn í áhrif­in og ráð til að fá hug­ann til að halda sig við hreyf­ing­una.

Mest lesið í mánuðinum

Skólastjórinn hættir eftir áralanga óánægju foreldra
1
Fréttir

Skóla­stjór­inn hætt­ir eft­ir ára­langa óánægju for­eldra

Móð­ir á Kirkju­bæj­arklaustri ætl­ar að flytja með börn­in sín úr bæn­um þar sem hún tel­ur ástand­ið í Kirkju­bæj­ar­skóla óvið­un­andi. Son­ur henn­ar hef­ur lít­ið mætt í skól­ann í á ann­að ár eft­ir at­vik í skól­an­um sem for­eldr­arn­ir kærðu til lög­reglu. Mál­ið var lát­ið nið­ur falla. Skóla­stjór­inn er nú á för­um en sveit­ar­stjór­inn seg­ir það „eng­um ein­um að kenna þeg­ar tveir deila“.
Rúlletta Róberts og vitnisburðir starfsfólks: „Þetta er bara rosalega mikið álag“
2
ÚttektRóbert Wessman, Alvogen og Alvotech

Rúll­etta Ró­berts og vitn­is­burð­ir starfs­fólks: „Þetta er bara rosa­lega mik­ið álag“

Starfs­menn Al­votech lýsa vinnu­álag­inu sem ómann­eskju­legu og hafa leit­að til stétt­ar­fé­laga út af ógreiddri yf­ir­vinnu og fleiri mál­um. Vinnu­að­stæð­urn­ar hafa ver­ið svona út af því að Al­votech hef­ur unn­ið að því að fá mark­aðs­leyfi fyr­ir sam­heita­lyf Humira í Banda­ríkj­un­um. Fyr­ir­tæk­ið hef­ur veðj­að öllu á þetta lyf en sala á því hef­ur dreg­ist sam­an og sam­heita­lyfj­um þess hef­ur alls ekki geng­ið eins vel í Banda­ríkj­un­um og reikn­að var með.
Fékk ekki að segja bless við eiginmann sinn
5
Fréttir

Fékk ekki að segja bless við eig­in­mann sinn

Sara Sig­ur­björg Guð­munds­dótt­ir, eig­in­kona Precious Fel­ix Tani­mola sem var send­ur úr landi til Níg­er­íu í nótt, seg­ist ekki hafa feng­ið að kveðja hann: „Sím­inn var tek­inn af hon­um og ég fékk ekki að segja bless.“ Precious flúði til Ís­lands frá Úkraínu vegna stríðs­ins. Hon­um hafði ári áð­ur ver­ið boð­ið að spila þar fót­bolta með úkraínsku fé­lagsliði.
Ákveðið að saksækja þrjá í Lindsor-málinu rúmum 15 árum síðar
10
Skýring

Ákveð­ið að sak­sækja þrjá í Lindsor-mál­inu rúm­um 15 ár­um síð­ar

Sama dag og Geir H. Haar­de flutti ræðu til þjóð­ar­inn­ar þar sem hann bað guð um að blessa Ís­land veitti Kaupþing af­l­ands­fé­lagi lán sem not­að var til að kaupa verð­lít­il skulda­bréf af starfs­mönn­um og vild­ar­við­skipta­vini bank­ans. Nú, 15 og hálfu ári eft­ir að lán­ið var veitt, stend­ur til að sak­sækja þrjá ein­stak­linga í Lúx­em­borg vegna þess.

Mest lesið í mánuðinum

Nýtt efni

Mest lesið undanfarið ár