Rúmlega helmingur Íslendinga telur efnahagsstöðuna slæma. Viðsnúningur hefur orðið á afstöðu þjóðarinnar á skömmum tíma. Þetta kemur fram í niðurstöðum nýrrar könnunar Maskínu. Alls telja 55 prósent þjóðarinnar efnahagsstöðuna slæma, en í apríl fyrir ári síðan var hlutfallið 38 prósent.
Meðal fólks á fertugs- og fimmtugsaldri telja 60 prósent stöðuna slæma. Eldri aldurshópar í könnuninni, sérstaklega 70 ára og eldri, eru mun jákvæðari. Sá hópur er, samkvæmt opinberum gögnum, líklegri til að eiga húsnæði, skulda minna og eiga meira eigið fé, sem hann getur ávaxtað í hávaxtaumhverfinu sem nú er.
Viðhorf þjóðarinnar til efnahagsstöðunnar virðist haldast í hendur við þróun vaxta og verðbólgu. Þegar vextir voru á niðurleið var þjóðin bjartsýn en nú þegar vextir og verðbólga eru aftur á uppleið hefur viðhorfið líka snúist við.
"Þá hækkaði kaupmáttur ráðstöfunartekna á mann um 1,2 prósent á síðasta ári og hefur farið hækkani á hverju ári frá 2013, utan ársins 2022 þegar kórónuveirufaraldurinn hafði sett allt efnahagslífið úr skorðum og kaupmátturinn lækkaði um 0,3 prósent. Hækkun launa hefur séð til þess að þau hafa náð að halda í við hækkað verðlag og vexti, samkvæmt bráðabirgðatölum Hagstofunnar fyrir síðasta ár."
Bara spurning um hvort maður er neikvæður eða jákvæður í hugsun.