Veiran sem valhoppar milli dýra

Ný gögn sýna að veiran sem veldur fuglaflensu, H5N1, geti nokkuð auð­veld­lega farið fram og til baka milli kúa og fugla. Það gæti, að því er banda­rískir vís­inda­menn ótt­ast, orðið til þess að auka og hraða útbreiðslu sjúk­dóms­ins. Veiran hefur valdið dauða meðal ýmissa dýra­teg­unda en ein­hverra hluta vegna hafa kýr vest­an­hafs, þar sem útbreiðslan er tölu­verð, yfir­leitt ekki sýnt alvar­leg veik­indi eða dáið. Það eru sann­ar­lega góðar fréttir fyrir kýrnar en verri fyrir mann­fólkið sem er að reyna sitt besta til að halda útbreiðslu veirunnar í skefjum. Sýkt kýr sem engin ein­kenni sýnir getur þannig borið veiruna með sér hvert sem er án þess að vekja nokkrar grun­semdir. Það sem meira er, benda vís­inda­menn­irnir á, þá hafa banda­rískar kýr oft í sér ýmsar flensu­veirur og það vekur aftur áhyggjur af því að með tíð og tíma gætu þessar veirur deilt með sér erfða­efni og jafn­vel orðið upp­eld­is­stöðvar veira sem …