Hlaup og önnur þol­þjálfun hafa marg­vís­leg áhrif á lík­amann, ekki bara á hjarta- og æða­kerfið, eins og oft er talað um heldur líka á aðra lík­ams­starf­semi. Þórdís Jóna Hrafn­kels­dóttir hjarta­læknir segir að ef fyrst er horft á afkasta­getu hjarta- og æða­kerfis þá auk­ist hún. Oft taki það dálít­inn tíma að vinna upp þolið en þá sé þol­in­mæði lyk­il­at­riði. Hjartað aðlag­ast álag­inu smám saman og verður ekki tak­mark­andi þáttur við áreynslu.

Hjartað dælir meiru

„Við þjálfun eykur maður hæfi­leik­ann til þess að mæta þessu þannig að maður geti þjálfað hjartað upp í að dæla meiru í hverju hjartaslagi en áhrifin á púls­inn eru svo­lítið önnur. Þjálfun hefur lít­lil sem engin áhrif á hámarks­púls ein­stak­lings­ins. Hann er kannski fremur háður erfðum og aldri. Hins vegar lækkar hvíld­ar­púls­inn almennt og getur jafn­vel farið mjög langt niður. Lækkaður hvíld­ar­púls skýrist að hluta til af því að hjartað stækkar og dælir meiru í hverju hjartaslagi …