Þingmenn funduðu með forseta um uppreist æru

Guðni Th. Jóhann­es­son, for­seti Íslands, hefur átt fundi með þing­mönnum um veit­ingu upp­reist æru og ætlar að skýra betur afstöðu sína í þeim efnum á næst­unni.

Þór­hildur Sunna Ævars­dóttir, þing­kona Pírata og nefnd­ar­maður í alls­herjar- og mennta­mála­nefnd, fór á fund Guðna á mánu­dag. „Ég vildi fá fram hans sjón­ar­mið í þessu máli og hann tók vel í það. Það var gagn­legt að ræða við hann,“ segir Þór­hildur í sam­tali við Stundina en sam­kvæmt heim­ildum blaðs­ins hafa fleiri þing­menn fundað með for­seta.

Bæði alls­herjar- og mennta­mála­nefnd og stjórn­skip­unar- og eft­ir­lits­nefnd Alþingis funda um verk­lag við veit­ingu upp­reistar æru í dag. Fundur fyrri nefnd­ar­innar verður sýndur í beinni útsend­ingu á vef Alþingis, en dóms­mála­ráð­herra hefur boðað breyt­ingar á laga­á­kvæðum um upp­reist æru.

Fram kom í síð­ustu viku að Guðni for­seti hygð­ist ekki tjá sig um veit­ingu upp­reistar æru til barn­a­níð­ings sem dæmdur var árið 2004 fyrir að hafa mis­notað stjúp­dóttur sína í 12 ár frá því hún var um fimm ára gömul. Ólöf Nordal, þáver­andi inn­an­rík­is­ráð­herra, lagði til í fyrra að mað­ur­inn yrði sæmdur óflekk­uðu mann­orði. Forseti und­ir­rit­aði til­lög­una, í sam­ræmi við við­teknar stjórn­skip­un­ar­venjur, þann 16. sept­em­ber, sama dag og barn­a­níð­ing­ur­inn Robert Downey fékk upp­reist æru.

Þegar mál Downeys komst í hámæli steig Guðni fram í fjöl­miðlum og benti á að ákvörðun um upp­reist æru væri ekki tekin af honum sjálfum heldur í inn­an­rík­is­ráðu­neyt­inu. Hann sagð­ist miður sín yfir mál­inu, ekki biðja um vor­kunn en óska eftir að fólk sýndi sér sann­girni að teknu til­liti til máls­með­ferð­ar­innar. Sem kunn­ugt er bera ráð­herrar ábyrgð á stjórn­ar­at­höfnum öllum sam­kvæmt stjórn­ar­skrá en for­seti veitir þeim gildi með und­ir­skrift sinni.