Gervi­greind­ar­kerfi sem fara út fyrir þau mörk sem þeim hafa verið sett og sífellt hávær­ari við­var­anir um mögu­legar hörm­ungar af völdum tækn­innar hafa orðið til þess að margir Evr­ópu­búar velta því fyrir sér hvort reglur Evr­ópu­sam­bands­ins um gervi­greind dugi til að vernda þá gegn hugs­an­legum hættum.

Evr­ópu­sam­bandið full­yrðir að svo sé. Gervi­greind­ar­lög­gjöf sam­bands­ins, svo­nefnd AI Act, sé nægi­lega öflug enda skyldi hún fyr­ir­tæki til að meta áhættu og draga úr henni. Brot geti varðað háum sektum eða jafn­vel banni.

Þingmenn Evr­ópu­þings­ins, emb­ætt­is­menn og sér­fræð­ingar virð­ast þó ekki jafn sann­færðir. Þeir benda á gloppur í lög­gjöf­inni og efast um að stjórn­völd ESB séu reiðu­búin að leggja til atlögu við fyr­ir­tækin sem þróa öfl­ug­ustu gervi­greind­ar­kerfin.

Evr­ópu­sam­bandið náði sam­komu­lagi um umfangs­mikla gervi­greind­ar­lög­gjöf árið 2024 en frestaði gild­is­töku hluta hennar. Ekki hefur verið hægt að beita ákvæðum hennar með eft­ir­liti og við­ur­lögum fyrr en í ágúst á þessu ári.

Thomas Regnier, tals­maður ESB, …