Alþingi kemur saman í dag til að fjalla um og sam­þykkja frum­varp Eyjólfs Ármanns­sonar inn­við­a­ráð­herra sem stöðvar verk­fall flug­virkja Icelandair. Verk­fallið hófst á mið­nætti og hefur fjöl­mörgum flug­ferðum félags­ins verið aflýst það sem af er degi.

Kjara­deildur flug­virkja og Icelandair hafa staðið um nokk­urt skeið og hefur lítið þok­ast í átt að lausn. Samn­ings­að­ilar hafa aðeins átt óform­lega fundi síð­ustu daga og ekki þótt ástæða til að boða til form­legs fundar í deil­unni.

„Rík­is­stjórnin afgreiddi á fundi sínum í morgun frum­varp um frestun verk­falls­ins. Ég mun leggja fram frum­varp seinna í dag,“ sagði Eyjólfur í við­tali við RÚV að loknum rík­is­stjórn­ar­fundi sem boðað var til í dag.

Hann sagði jafn­framt að Kristrún Frosta­dóttir hefði þegar rætt við for­menn Sjálf­stæð­is­flokks­ins og Fram­sókn­ar­flokks­ins, og þing­flokks­for­mann Mið­flokks­ins, um frum­varpið.