Ríki Evr­ópu­sam­bands­ins hófu í morgun að nýju við­ræður í kapp­hlaupi við tím­ann um fram­leng­ingu refsi­að­gerða gegn Rúss­landi, eftir að full­trúar Lett­lands komu í veg fyrir sam­komu­lag um að taka tvo rúss­neska auð­menn af refsi­að­gerða­lista sam­bands­ins.

Ríkin 27 virt­ust hafa náð sam­komu­lagi um að aflétta fryst­ingu eigna og ferða­banni á rúss­nesku kaup­sýslu­menn­ina Alisher Usmanov og Mikhail Fridman eftir kröfur Frakk­lands, Lúx­em­borgar og Slóvakíu.

Fyr­ir­huguð aflétt­ing, sem stjórn­völd í Úkraínu hafa gagn­rýnt harð­lega, var hluti af mála­miðlun um að fram­lengja refsi­að­gerðir gegn nærri 3.000 öðrum ein­stak­lingum og lög­að­ilum vegna stríðs­ins í Úkraínu um þrjú ár. Frestur til að fram­lengja aðgerð­irnar rennur út klukkan 22 að íslenskum tíma í kvöld og gætu þær ann­ars fallið úr gildi.

Sam­komu­lagið virt­ist vera í höfn en Lettar settu sig óvænt upp á móti því seint í gær­kvöldi.

„Afstaða lett­nesku rík­is­stjórn­ar­innar hefur verið óbreytt. Refsi­að­gerðir ESB gegn Rúss­landi verður að herða, ekki veikja,“ skrif­aði Baiba Braze, …